VIDEO: ફિલ્મ ``શમશેરા`` માં શું હશે? રણબીર અને વાણીએ આપ્યા આ સંકેત

જયંતિ સોલંકી/વડોદરા: યશરાજ ફિલ્મ્સના આગામી એક્શન એન્ટરટેઈનર શમશેરાના સ્ટાર્સ દ્વારા 24મી જૂનના રોજ શહેરમાં એક મોલ ખાતે પોતાના ચાહકો સમક્ષ તેનું ફિલ્મ ટ્રેલરનું લોન્ચ કરવામાં આવ્યું. આ ફિલ્મમાં એક્ટર રણબીર કપૂરે તેની કારકિર્દીમાં પ્રથમ વખત ભવ્ય એક્શન એન્ટરટેઈનર શમશેરા સાથે લાર્જર-થી-લાઈફ હિન્દી ફિલ્મ હીરોની ભૂમિકા ભજવી છે. 

આ એક મેગા ફિલ્મ જે શ્રેષ્ઠ હિન્દી ફિલ્મોના આકર્ષણને સલામ કરે છે. રણબીર કપૂર જે પોતાના બ્લોકબસ્ટર ફિલ્મ સંજુને ડિલિવર કર્યાના ચાર વર્ષ પછી મોટા પડદા પર પાછા આવી રહ્યો છે, તે સંજય દત્ત, વાણી કપૂર અને દિગ્દર્શક કરણ મલ્હોત્રાની બનેલી શમશેરાની આખી ટીમ સાથે ટ્રેલર લૉન્ચ કરવા ત્રણ અલગ-અલગ શહેરોની મુસાફરી કરવા તૈયાર છે. શમશેરાનું મેગા ટ્રેલર મુંબઈ અને ઈન્દોરની સાથે સાથે વડોદરા નગરીમાં પણ લોન્ચ કર્યું.