પોલીસના નવતર પ્રયોગ સાયકલ પેટ્રોલિંગને સફળતા, 6 નબીરાઓની ધરપકડ

મૌલિક ધામેચા/અમદાવાદઃ અમદાવાદના વસ્ત્રાપુર પોલીસે દારૂની મેહફીલ માણતા 6 નબીરાઓની ધરપકડ કરી છે. નવાઈની વાત એ છે કે, પોલીસ દ્વારા શરૂ કરાયેલા સાયકલ પેટ્રોલિંગના નવતર પ્રયોગમાં તેમને આ સફળતા મળી છે. પોલીસ મંગળવારે મોડી રાત્રે સાયકલ પર પેટ્રોલિંગ કરી રહી હતી તે દરમિયાન મેમનગર પાસેથી ચિક્કાર દારૂના નશામાં 4 યુવતી અને 2 યુવકને ઝડપી પડયા હતા.

શહેરમાં ઠંડીની સિઝનમાં છેલ્લા ઘણા સમયથી ઘરફોડ ચોરી અને અન્ય ગુનાઓને ડામવા વસ્ત્રાપુર પોલીસ દ્વારા એક નવતર પ્રયોગ કરવામાં આવ્યો હતો. આ પ્રયાસમાં પોલીસને સફળતા પણ પ્રાપ્ત થઈ છે. સાયકલ પર પેટ્રોલિંગ કરી રહેલી પોલીસે મેમનગર ખાતે આવેલ યશ પ્રભા એપાર્ટમેન્ટમાં દારૂની મેહફીલ માણતા નબીરાઓને ઝડપી લીધા હતા. પોલીસે જ્યારે આ એપાર્ટમેન્ટમાં રેડ પાડી ત્યારે 4 યુવતીઓ અને 2 યુવકો ચિક્કાર દારૂના નશામાં બૂમો પડતા હતા. ઝડપાયેલા તમામ નબીરાઓ ફેશન ડિઝાઇનિંગનો અભ્યાસ કરતા હતા અને અભ્યાસ પૂર્ણ થતા દારૂ પાર્ટીનું આયોજન કર્યું હતું.

[[{"fid":"201305","view_mode":"default","fields":{"format":"default","field_file_image_alt_text[und][0][value]":false,"field_file_image_title_text[und][0][value]":false},"type":"media","field_deltas":{"1":{"format":"default","field_file_image_alt_text[und][0][value]":false,"field_file_image_title_text[und][0][value]":false}},"link_text":false,"attributes":{"class":"media-element file-default","data-delta":"1"}}]]

(સાયકલ પર રાત્રી પેટ્રોલિંગ કરી રહેલી વસ્ત્રાપુર પોલીસ)

પોલીસે જ્યારે દારૂના નશામાં ધૂત આ નબીરાઓની પુછપરછ કરી તો તેમણે જણાવ્યું કે, તેમણે ફેશન ડિઝાઈનિંગનો કોર્સ તાજેતરમાં જ પુરો કર્યો હતો. આથી તેના માનમાં તેમણે એક દારૂ પાર્ટીનું આયોજન કર્યું હતું.  તેમણે કહ્યું કે, આ દારૂ તેમણે રાજસ્થાનથી મગાવ્યો હતો. 

સાયલેન્ટ થઇ સાયકલ પર પેટ્રોલિંગ કરી રહેલી પોલીસ જ્યારે આ એપાર્ટમેન્ટ પાસેથી પસાર થઈ ત્યારે તેમને મોટે-મોટેથી અવાજ સાંભળતા શંકાને આધારે તપાસ કરી હતી. જેમાં આ નબીરાઓ ચિક્કાર નશાની હાલતમાં મળી આવ્યા હતા. વસ્ત્રાપુર પોલીસે દારૂની મેહફીલનો કેસ કરી વધુ તપાસ હાથ ધરી છે.