જ્યા ગુજરાતી ત્યાં ગરબા : આ વીડિયો તેનો બોલતો પુરાવો, પાકિસ્તાનમાં રમાયા ગરબા

Pakistan Garba Video Viral પોરબંદર : ગુજરાતના ગરબા એટલા ફેમસ છે કે, ભલભલાના પગ થરકવા લાગે. ગરબાનો ચસ્કો એકવાર લાગે એટલે છૂટે નહિ. વિદેશીઓ પણ ગરબા રમતા થઈ ગયા છે. ગુજરાતીઓ ચંદ્ર પર પણ ગરબા કરે એવી મજાક થતી રહે છે. ત્યારે પાડોશી મુલ્ક અને ભારતના દુશ્મન દેશ પાકિસ્તાનથી આવેલો ગરબાનો એક વીડિયો ચોંકાવનારો છે. પાકિસ્તાનમાં પણ ગરબા રમાય છે. હાલ આ વીડિયો સોશિયલ મીડિયા પર વાયરલ થયો છે. ત્યારે શુ છે આ વાયરલ વીડિયોની હકીકત તે જોઈએ. 

પાકિસ્તાની જેલમાં રમાયેલા ગરબાનો આ વીડિયો છે. પાકિસ્તાની જેલમાં કેદ કેદીઓ આ વીડિયો રમી રહ્યાં છે. પરંતું વીડિયોની હકીકત એવી છે કે, આ ગરબા કરનારા બીજા કોઈ નહિ, પરંતુ ભારતીયો છે. પાકિસ્તાનની જેલમાં કેદ માછીમારો ગરબે રમતા હોય તેવો વીડિયો સામે આવ્યો છે. ભારતીય માછીમારોનો ગરબે રમતો આ વીડિયો છે.