ગજબનાક : મોરબીમાં ડ્રોનથી મંગાવ્યો માવો, હવે પોલીસ પાડશે વારો

મોરબી : લોકડાઉનમાં લોકો નવરા બેઠા ગજબનાક કારનામા કરી નાખતા હોય છે. હાલમાં મોરબીનો આવો જ એક કિસ્સો પ્રકાશણાં આવ્યો છે જેમં વ્યક્તિએ લોકડાઉન દરમિયાન ડ્રોન વડે માવાની ડિલિવરી લીધી અને પછી એનો વીડિયો બનાવીને ટિકટોકમાં પણ મુક્યો. આ વ્યક્તિનું નામ હિરેન પટેલ હોવાનું જાણવા મળ્યું છું.

વ્યક્તિની ઓળખ જાહેર થયા પછી બી ડિવિઝન પોલીસે અટકાયત કરી હોવાનુ સામે આવ્યું છે. વધુમાં આ શખ્સ સામે પોલીસે ગુનો નોંધવાની તજવીન હાથ ધરી હોવાનું પણ જાણવા મળી રહ્યું છે.

મોરબીમાં લોકડાઉનનો ચુસ્ત અમલ કરાવીને કોરોના વાયરસને અટકાવવા માટે પોલીસ તંત્ર કમર કસી રહ્યું છે. આ દરમિયાન લોકડાઉનને લઈને પ્રસિદ્ધ થયેલા જાહેરનામાના ભંગ કરતા લોકો સામે પણ પોલીસ કડક હાથે કાર્યવાહી કરી રહી છે.