ઉનાઃ જુનાગઢ અને ગીર સોમનાથ વિસ્તાર સિંહોનો રહેણાક વિસ્તાર છે. પરંતુ વારંવાર સિંહની પજવણી કરવાની ઘટના બનતી રહે છે. ત્યારે વધુ એકવાર સિંહની પજવણીનો વીડિયો વાયરલ થયો છે.   જેમાં એક ગામમાં રાત્રિ સમયે આવી ચઢેલા બે સિંહોની પાછળ કાર ચલાવીને તેનો વીડિયો બનાવવામાં આવ્યો છે. સિંહને જોવા માટે સિંહની પાછળ કાર ચલાવીને તેને પરેશાન કરવાની સાથે તેનો વીડિયો બનાવવામાં આવ્યો છે. સિંહ સંવર્ધનની વાતો વચ્ચે સતત સિંહોની પજવણીના આ પ્રકારે અનેક વિડિઓ સામે આવી રહ્યા છે. ત્યારે અહીં પ્રશ્ન થાય છે કે, વનવિભાગ શું કરી રહ્યું છે. આવા લોકોની ધરપકડ કરીને તેને સજા આપવી જોઈએ. કારણ કે, સિંહ તે ગુજરાતની ઓળખ છે. વનવિભાગના કર્મચારીઓએ આવી ઘટના બને તે માટે પ્રયત્ન કરવો જોઈએ.