ગુજરાતના વિદ્યાર્થીઓ માટે ખુશખબર! ઓસ્ટ્રેલિયામાં હવે માત્ર 16 દિવસમાં સ્ટુડન્ટ વિઝાની થઈ જશે પ્રોસેસ

નવી દિલ્લીઃ ગુજરાતી છાત્રો માટે સૌથી મોટી ખુશખબર છે. કેનેડા અને અમેરિકા માટે સ્ટુડન્ટ વિઝાની પ્રક્રિયામાં સમય અને રૂપિયા વધારે ખર્ચવા પડતા હોવાથી હવે છાત્રો ઓસ્ટ્રેલિયા જઈ રહ્યાં છે. ગુજરાતીઓ માટે સારા સમાચાર એ છે કે ઓસ્ટ્રેલિયાની સ્ટુડન્ટ વિઝા પ્રોસેસ ઝડપી થઈ છે.  હવે માત્ર 16 દિવસમાં પ્રોસેસિંગ થશે. ઓસ્ટ્રેલિયન ગૃહ વિભાગે આ મહિનાની શરૂઆતમાં એક નિવેદનમાં જણાવ્યું હતું કે વિભાગ ઑસ્ટ્રેલિયાની વિઝા પ્રણાલી અને પ્રક્રિયાને સુવ્યવસ્થિત કરી રહ્યું છે, જેના કારણે સંખ્યાબંધ શ્રેણીઓમાં સરેરાશ વિઝા પ્રક્રિયાના સમયમાં મોટો ઘટાડો થાય છે," .

ઓસ્ટ્રેલિયાએ સ્ટુડન્ટ વિઝા અને કામચલાઉ કુશળ વિઝા સહિત તેના ઘણા લોકપ્રિય વિઝા માટે રાહ જોવાનો સમય ઘટાડીને માત્ર દિવસો સુધી કરી દીધો છે. ઓસ્ટ્રેલિયન ગૃહ વિભાગે આ મહિનાની શરૂઆતમાં એક નિવેદનમાં જણાવ્યું હતું કે, વિભાગ ઑસ્ટ્રેલિયાની વિઝા પ્રણાલી અને પ્રક્રિયાને સુવ્યવસ્થિત કરી રહ્યું છે, જેના કારણે સંખ્યાબંધ શ્રેણીઓમાં સરેરાશ વિઝા પ્રક્રિયાના સમયમાં મોટો ઘટાડો થયો છે." ઓસ્ટ્રેલિયાએ ઈન્ટરનેશનલ સ્ટુડન્ટ માટે નાણાકીય જરૂરિયાતના માપદંડમાં વધારો કર્યો છે. અગાઉ વિદ્યાર્થીઓ 20,000 ડોલરની બચત દેખાડીને આવી શકતા હતા. પરંતુ 1 ઓક્ટોબર 2023થી ઓછામાં ઓછા 24,505 ડોલરની બચત હોય તેવા સ્ટુડન્ટને જ ઓસ્ટ્રેલિયા આવવાની મંજૂરી મળશે. આ રકમને અમેરિકન ડોલરમાં કન્વર્ટ કરવામાં આવે તો લગભગ 15700 ડોલર જેટલી થાય છે. ઓસ્ટ્રેલિયા ભણવા જતા વિદ્યાર્થીઓએ તેમની બચતમાં ઓછામાં ઓછા 17 ટકાનો વધારો કરવો પડશે. 

સ્ટુડન્ટ વિઝાની પ્રક્રિયા હવે 16 દિવસની અંદર થઈ રહી છે અને ટેમ્પરરી સ્કીલ્ડ શોર્ટેજ 482 વિઝાની પ્રક્રિયા હવે 21 દિવસની અંદર થઈ રહી છે, એમ સોશિયલ મીડિયા પર જાહેર કરાયેલા નિવેદનમાં જણાવવામાં આવ્યું છે. વર્ષની શરૂઆતમાં સ્ટુડન્ટ વિઝાની પ્રક્રિયામાં 49 દિવસ જેટલો સમય લાગતો હતો. વધુમાં, એમ્પ્લોયર સ્પોન્સર્ડ સ્કિલ્ડ પ્રોગ્રામ્સઃ હેલ્થ કેર એન્ડ એજ્યુકેશન અને વર્કિંગ હોલિડે વિઝા (ઓસ્ટ્રેલિયાની બહાર) એક દિવસમાં પ્રક્રિયા કરવામાં આવે છે.

આ જાહેરાત એવા અહેવાલોના એક વર્ષ પછી કરવામાં આવી છે કે વિભાગે વિઝા અરજીઓની પ્રક્રિયામાં નોંધપાત્ર વિલંબનો સામનો કરવો પડ્યો હતો, મુખ્યત્વે અરજીઓના વધારાને કારણે. DHAએ કહ્યું કે તે 12 મહિનાની સરખામણીમાં ફેબ્રુઆરી 2023માં સાત મહિનાની અંદર કાયમી કુશળ વિઝાને મંજૂરી આપી રહ્યું છે.

DHAએ જણાવ્યું હતું કે ઓસ્ટ્રેલિયા ઓસ્ટ્રેલિયાના આંતરરાષ્ટ્રીય પ્રવાસન ઉદ્યોગને ટેકો આપવા માટે પણ કામ કરી રહ્યું છે. ઓસ્ટ્રેલિયાએ વિઝા પ્રોસેસ કરવા માટે 600થી વધારે નવા લોકોને હાયર કર્યા પછી ટેમ્પરરી અને માઈગ્રેશન વિઝા પ્રોસેસમાં પણ વેગ આવ્યો છે. 

તેઓ કહે છે, "અમારા ઝડપી ઓનલાઈન અને ઈલેક્ટ્રોનિક વિઝિટર વિઝા વિકલ્પોને કારણે ઓસ્ટ્રેલિયાના વિઝિટર વિઝા ધારકોમાં 140%નો વધારો થયો છે, જે સમગ્ર દેશમાં સમુદાયોમાં નોકરીઓ, રોકાણ અને વૃદ્ધિને ટેકો આપતા ઉદ્યોગને મોટો પ્રોત્સાહન આપે છે" 12 મહિનાના ગાળા માટે 48.1 મિલિયન ડોલરનું ફંડ ફાળવવાની સાથે સાથે 600 લોકોને આ કામ માટે લગાવ્યા છે જેના કારણે અરજી પર ઝડપથી નિર્ણય લેવાય છે. કોર્સ શરૂ થાય તેનાથી 8 સપ્તાહ અગાઉ અરજી કરવા સલાહ અપાય છે.