કમોસમી વરસાદ બન્યો રવિ પાકનો દુશ્મન, ઓછું થયું થયું વાવેતર

ગૌરવ પટેલ/અમદાવાદ :રાજ્યમાં કમોસમી વરસાદ (Offseason rain) ના પગલે રવિ પાક (Winter crops in gujarat) ના વાવેતરમાં ઘટાડો થયેલો થયો તેવુ આંકડા પરથી સામે આવ્યું છે. રાજ્યમાં રવિ પાકમાં 5.43 વાવતર ઓછું થયુ છે. જેની અસર ઉત્પાદન પર પણ જોવા મળશે. ઓછા ઉત્પાદન થકી કદાચ ખેડૂતોને ભાવ મળશે, પણ બજાર કિંમત ઉંચી જશે. ઘંઉ અને ચણાનું વાવેતર વધારે હોવાથી તેના ભાવ નીચા આવવાની શક્યતાઓ જોવાઇ રહી છે. રવિ પાકનું કુલ વાવેતર 94.57 ટકા થયું છે. 

ચાલુ વર્ષે રાજ્યમાં થયેલી અતિવૃષ્ટિના કારણે ખેડૂતોએ રોવાનો વારો આવ્યો ખેડૂતોએ ખરીફ પાકનું વાવેતર પૂરતા પ્રમાણમાં ન કરી શક્યા અને જે વાતેતર થયું હતુ તે ભારે વરસાદ અને કમોસમી વરસાદમાં ધોવાયુ છે. કમોસમી વરસાદની અસર આજે પણ ખેતરમાં જોવા મળે છે. કમોસમી વરસાદના લીધે રવિ વાવેતરમાં ખેડૂતો મોડા પડ્યા અને સરેરાશ વાવેતર કરતાં 5.43 ટકા વાવેતરમાં ઘટાડો થયો છે. ઘઉં, ચણા, જીરૂ અને મકાઇને બાદ કરતાં તમામ પાકના વાવેતરમાં ઘટાડો નોંધાયો છે. 

પાક	સામાન્ય વાવેતર(હેક્ટર)	ચાલુ વર્ષનુ વાવેતર(હેક્ટર)	ટકા
ઘઉં બિનપીયત	37713	29917	79.33
જુવાર	32744	19453	59.41
અન્યધાન	13631	6824	50.06
રાઇ	205695	168930	82.13
અન્ય તેલીબીયાં	8947	3439	38.44
શેરડી	159139	93191	58.56
તમાકુ	123062	99684	81
ધાણા	73539	67278	91.49
લસણ	13092	8447	64.52
સવા	15068	10767	71.46
ઇસબગુલ	15550	4225	27.17
વરિયાળી	40092	37226	92.85
ડુંગળી	38180	29366	76.92
બટાટા	125289	108436	86.55
શાકભાજી	165170	125530	76
ઘાસચારો	456447	413117	90.51

કયા રવિ પાકના વાવેતરમાં થયો વધારો
એક તરફ રવિ પાકના વાવેતરમાં ઘટાડો છે, તો બીજી તરફ કેટલાક પાકમાં વધારો પણ નોંધાયો છે. જે દર્શાવે છે કે, આ પાકને કમોસમી વરસાદની કઈ અસર થઈ નથી. અથવા તો આ પાકનું વાવેતર કરનારાઓમાં વધારો થયો છે. જરા આ પાક અને તેના વાવેતર પર પણ એક નજર કરીએ...

પાક	સામાન્ય વાવેતર(હેક્ટર)	ચાલુ વર્ષનુ વાવેતર(હેક્ટર)	ટકા
ઘઉ પિયત	915424	929031	101.49
મકાઇ	106045	1155171	108.61
ચણા	213277	274643	128.77
અન્ય કઠોળ	25002	29793	119.16

 આંકડા પર નજર કરીએ તો, રવિ પાકના સામાન્ય વાવેતર કરતાં ચાલુ વર્ષના વાવેતરમાં 5.43 ટકાનો ઘટાડો નોંધાયો છે. જોકે હજુ બટાટાના વાવેતરમાં વધારો થઇ શકે છે તેવું ખેતીવાડી વિભાગના એક્સપર્ટસનું કહેવું છે. નોંધનીય છે કે, લસણના વાવેતરમાં 35 ટકાનો ઘટાડો નોંધાયો છે અને જો તેની અસર ઉત્પાદન પર થઇ તો લસણના ભાવ આસમાને પહોચશે.