World Cancer Day : કોરોના કરતાં પણ ખતરનાક છે કેન્સર, 2025 સુધીમાં ગુજરાતમા કેન્સરના 79,217 દર્દી હશે

દુનિયાભરમાં કેન્સર રોગનો વ્યાપ સતત વધી રહ્યો છે. કેન્સર જેવા ભયાવહ રોગ સામે જનજાગૃતિ લાવવા અને વિશ્વમાં કેન્સરનું પ્રમાણ ઘટાડવાના હેતુથી 4 ફેબ્રુઆરીના દિવસને વિશ્વ કેન્સર દિવસ તરીકે ઉજવવામાં આવે છે. વિશ્વભરમાં દર વર્ષે જુદી જુદી થીમ પર વિશ્વ કેન્સર દિવસ (World Cancer Day ) ની ઉજવણી કરવામાં આવે છે. જેના ભાગરૂપે આ વર્ષે ‘ક્લોઝ ધ કેર ગે’ એટલે કે ‘કેન્સર (cancer) ની સારવારમાં અંતર ઘટાડીએ’ની થીમ પર વિશ્વ કેન્સર દિવસની વિશ્વભરમાં ઉજવણી કરાઈ રહી છે.