ભાવનગરના આ યુવાઓની કામગીરીની UN માં પ્રશંસા, દેશના ટોપ 50 માં થયા સામેલ

ભાવનગર: દુનિયામાં પ્લાસ્ટિકના ઉપયોગ બાદ તેના નિકાલથી પર્યાવરણ તેમજ પ્રકૃતિને ખુબ મોટું નુકસાન થઈ રહ્યું છે. ત્યારે ભાવગનરના યુવાઓ દ્વારા પર્યાવરણ સંરક્ષણ યુવા મંડળ બનાવવામાં આવ્યું છે. આ મંડળ દ્વારા પર્યાવરણ અને પ્રકૃતિને અટકાવવાના પ્રયાસો કરવામાં આવી રહ્યા છે. ત્યારે પ્લાસ્ટિક પ્રદૂષણ અટકાવવા યોજાતી વિવિધ સ્પર્ધાઓમાં ભાગ લઈ ભાવનગરનું આ યુવા મંડળ નેશનલ કક્ષાએ પહોંચ્યું છે.

ટાઈડ ટર્નર પ્લાસ્ટિક ચેલેન્જ સ્પર્ધાનું આયોજન
તાજેતરમાં જ યુએનઈપી, એમઓઇપીસીસી, ડબ્લ્યુડબ્લ્યુઇએફ, સીઇઇ જેવી સંસ્થાઓ દ્વારા ટાઈડ ટર્નર પ્લાસ્ટિક ચેલેન્જ સ્પર્ધાનું આયોજન કરવામાં આવ્યું હતું. જેમાં જયદીપ જાની અને માનસી ઠાકરે ભાગ લીધો હતો અને ટોપ 50 માં સ્થાન પ્રાપ્ત કર્યું છે. આ ચેલેન્જનો સબજેક્ટ પ્લાસ્ટિક પ્રદૂષણ કઈ રીતે નિયંત્રણ કરી શકાય તે હતો. 2021 માં નેશન યુથ સમિટમાં આ બંને યુવાઓના કામની બ્રિટિશ હાઈ કમિશનના કાઉન્સિલર, પર્યાવરણ શિક્ષણ સલાહકાર દ્વારા કરવામાં આવી હતી. 

આ પણ વાંચો:- રાજકોટ: જામકંડોરણાના ગામોએ લોકો સમક્ષ ઉદાહરણ પૂરું પાડ્યું, રસીના બંને ડોઝ લેવા સાથે જિલ્લામાં અગ્રસર

5 હજારથી વધુ ટુરિસ્ટની મુલાકાત
મહુવાના બિચ પર જ્યાં અઠવાડિયામાં 5 હજારથી વધુ ટુરિસ્ટ આવે છે. ત્યાં આ યુવાઓ છેલ્લા 34 અઠવાડિયાથી દર રવિવારે બિચ પર ફેંકવામાં આવેલા પ્લાસ્ટિકના કચરાનો નિકાલ કરે છે. આ યુવાઓ દ્વારા કચરાપેટી, પ્લાસ્ટિક અંકુશ માટે જાગૃતિ અભિયાન લાવવા બેનરો પણ લગાવવામાં આવ્યા છે. પર્યાવરણ સંરક્ષણ યુવા મંડળમાં 100 જેટલા યુવાઓ કાર્યરત છે.