પેટમાં વધી રહી છે કેન્સરની ગાંઠ, ભૂખ ન લાગવી સહિતની આ 5 નાની સમસ્યાઓ છે જીવલેણ બીમારીનો સંકેત

વર્લ્ડ કેન્સર રિસર્ચ ફંડ ઓર્ગેનાઈઝેશન મુજબ, પેટનું કેન્સર વિશ્વભરમાં પાંચમું સૌથી સામાન્ય કેન્સર છે. જો કે દરેક વ્યક્તિને આનો ખતરો હોય છે, પરંતુ તેના કેસ સ્ત્રીઓ કરતાં પુરુષોમાં વધુ હોય છે. 60 વર્ષની ઉંમર પછી તેનું જોખમ નોંધપાત્ર રીતે વધે છે, ખાસ કરીને એવા લોકોમાં જેઓ તમાકુનું સેવન કરે છે અને જેમને આ કેન્સરનો પારિવારિક ઇતિહાસ છે.

પેટનું કેન્સર એ એક ગંભીર અને જીવલેણ રોગ છે એમાં કોઈ શંકા નથી, પરંતુ જો શરૂઆતના તબક્કે જ તેની ઓળખ થઈ જાય તો તે સંપૂર્ણપણે મટાડી શકાય છે. ઘણી વખત આ રોગના લક્ષણો સામાન્ય માનવામાં આવે છે, જેના કારણે સ્થિતિ વધુ ખરાબ થઈ શકે છે. અહીં અમે તમને કેન્સરના આવા જ કેટલાક સંકેતો વિશે જણાવી રહ્યા છીએ-

ભૂખ ન લાગવી

ભૂખ ન લાગવી એ ઘણીવાર પેટના કેન્સરનું પ્રથમ લક્ષણ છે. વ્યક્તિ સામાન્ય કરતા ઓછું ખાવાનું શરૂ કરે છે, જેની અસર તેના વજન પર પણ જોવા મળે છે. આવી સ્થિતિમાં, જો તમને સતત ભૂખ નથી લાગતી અથવા થોડું ખાધા પછી જ પેટ ભરેલું અનુભવાય છે, તો તેને બિલકુલ અવગણશો નહીં. 

પેટમાં દુખાવો

પેટમાં દુખાવો એક સામાન્ય સમસ્યા છે, પરંતુ જો આ દુખાવો ચાલુ રહે કે વધતો જાય તો તે કેન્સરની નિશાની હોઈ શકે છે. આ દુખાવો સામાન્ય રીતે પેટના ઉપરના ભાગમાં અથવા છાતીના હાડકામાં થાય છે.

થાક અને નબળાઇ

ખાસ કરીને કોઈપણ કારણ વગર ભારે થાક અને નબળાઈ અનુભવવી એ કેન્સરની નિશાની હોઈ શકે છે. જ્યારે શરીરમાં કેન્સરના કોષો વધવા લાગે છે ત્યારે નબળાઈ દેખાવા લાગે છે. આવી સ્થિતિમાં, તમે દિવસેને દિવસે વધુ થાક અનુભવી શકો છો.

અચાનક વજન ઘટવું

જો તમારું વજન કોઈપણ કારણ વગર ઝડપથી ઘટી રહ્યું છે, તો તે કેન્સરના લક્ષણોમાંનું એક હોઈ શકે છે. પેટના કેન્સરની સ્થિતિમાં, ખોરાક યોગ્ય રીતે પચતો નથી, જેના કારણે શરીરને જરૂરી પોષક તત્વો નથી મળતા અને વજન ઘટવા લાગે છે.

પાચન સમસ્યાઓ

પેટનું કેન્સર ગેસ, પેટનું ફૂલવું અને કબજિયાત જેવી પાચન સમસ્યાઓનું કારણ બની શકે છે. જો તમે સતત આ સમસ્યાઓનો સામનો કરી રહ્યા છો, તો તેની અવગણના ન કરવી જોઈએ. આ સૂચવે છે કે પેટમાં કંઈક ગંભીર થઈ રહ્યું છે.

Disclaimer: પ્રિય વાંચક, અમારો આ લેખ વાંચવા બદલ તમારો આભાર. આ લેખ તમને જાગૃત કરવાના  હેતુથી લખવામાં આવ્યો છે. અમે તેને લખવા માટે ઘરેલુ નુસ્ખાઓ અને સામાન્ય જાણકારીની મદદ લીધી છે. સ્વાસ્થ્ય સંબંધિત કઈ પણ તમે વાંચો તો તેને અપનાવતા પહેલા ડોક્ટરની સલાહ ચોક્કસપણે લો.