વિટામિન B12ની ઉણપથી શું મોત થઈ શકે છે? આ લક્ષણોની અવગણના ના કરતા, બનશે જીવલેણ
Side Effects Of Vitamin B12 Deficiency: વિટામિન બી12 આપણા શરીર માટે એક આવશ્યક પોષક તત્વ છે. તે ઉણપને અવગણવી કરવી ક્યારેક ક્યારેક જિંદગી માટે ખતરનાક પણ બની શકે છે.
Vitamin B12 Deficiency: વિટામિન B12 આપણા શરીર માટે એક જરૂરી પોષક તત્વ છે. તે લાલ રક્તકણોની રચના, ચેતાતંત્રની કામગીરી અને ડીએનએ સંશ્લેષણમાં મહત્વપૂર્ણ ભૂમિકા ભજવે છે. એટલા માટે શરીરમાં વિટામિન B12 ની યોગ્ય માત્રા હોવી ખૂબ જ મહત્વપૂર્ણ માનવામાં આવે છે.
પરંતુ શું તમે જાણો છો કે તે ખામીઓને નજરઅંદાજ કરવાથી તમને તમારી જિંદગીમાંથી હાથ ધોવા પડી શકે છે. હા, વિટામિન B12 શરીર માટે એટલું જરૂરી છે કે તેની ઉણપને કારણે શરીર યોગ્ય રીતે કામ કરી શકતું નથી. આવી સ્થિતિમાં જો લાંબા સમય સુધી તેની સારવાર કરવામાં આવે નહીં તો, વ્યક્તિના મૃત્યુની પણ સંભાવના છે.
જાણો કેવી રીતે વિટામિન બી12ની કમી જીવલેણ બને છે
તંત્રિકા તંત્રને નુકસાન
વિટામિન B12 ની ઉણપથી તંત્રિકા તંત્રને નુકસાન પહોંચી શકે છે. તેનાથી હાથ અને પગમાં કળતર, સુન્નતા અને નબળાઈ જેવી સમસ્યાઓ થઈ શકે છે. ગંભીર કિસ્સાઓમાં, તે કરોડરજ્જુને પણ અસર કરી શકે છે, જેના કારણે ચાલવામાં મુશ્કેલી થાય છે.
એનિમિયા
ક્લેવલેન્ડ ક્લિનિક અનુસાર, વિટામિન B12 ની ઉણપને કારણે લાલ રક્ત કોશિકાઓના ઉત્પાદનમાં ઘટાડો થવાથી કાયમી ન્યુરોલોજીકલ નુકસાન થઈ શકે છે. જે સારવાર ન કરવામાં આવે તો મૃત્યુ તરફ દોરી શકે છે. એનિમિયા થાક, નબળાઈ અને શ્વાસ લેવામાં તકલીફ જેવી સમસ્યાઓનું કારણ બની શકે છે.
માનસિક સ્વાસ્થ્ય પર અસર
વિટામિન B12 ની ઉણપ ડિપ્રેશન અને ડિમેન્શિયા જેવી માનસિક સ્વાસ્થ્ય સમસ્યાઓનું કારણ બની શકે છે. સાથે તેનાથી યાદશક્તિ નબળી પડવાનું અને મગજ યોગ્ય રીતે કામ ન કરવાનું જોખમ પણ વધે છે.
હૃદય સંબંધી સમસ્યાઓ
હૃદય રોગ આજના સમયમાં મોતનું સૌથી મોટું કારણ છે. કેટલાક અભ્યાસોમાં વિટામીન B12 ની ઉણપને હૃદય રોગના વધતા જોખમ સાથે પણ જોડવામાં આવ્યું છે.
આ લક્ષણોને અવગણશો નહીં
જો તમે લાંબા સમયથી થાક, નબળાઈ, હાથ-પગમાં કળતર અથવા ડિપ્રેશન જેવા લક્ષણોનો અનુભવ કરી રહ્યાં છો, તો તમારા વિટામિન B12ની તપાસ કરાવો. સમયસર તપાસ અને સારવાર દ્વારા આ સમસ્યાઓ ટાળી શકાય છે.
વિટામિન B12 ની ઉણપને દૂર કરવાના ઉપાય
વિટામિન B12 કુદરતી રીતે માંસ, ઈંડા અને ડેરી ઉત્પાદનોમાં જોવા મળે છે. શાકાહારીઓ માટે વિટામિન B12થી યુક્ત ફોર્ટિફાઈડ ફૂડસ અથવા તો વિટામિન બી12 સપ્લિમેન્ટ્સનું સેવન ફાયદાકારક હોઈ શકે છે.
Disclaimer: પ્રિય વાચક, અમારા સમાચાર વાંચવા બદલ આભાર. આ સમાચાર ફક્ત તમને જાગૃત કરવાના હેતુથી લખવામાં આવ્યા છે. અમે આ લખવા માટે ઘરેલું ઉપચાર અને સામાન્ય માહિતીની મદદ લીધી છે. જો તમે ક્યાંય પણ તમારા સ્વાસ્થ્ય સંબંધિત કંઈપણ વાંચો છો, તો તેને અપનાવતા પહેલા ચોક્કસપણે ડૉક્ટરની સલાહ લો.