બાળકને નાનપણથી જ બનાવવા માંગો છો પાવરફૂલ? તો આજથી જ ડાયટમાં સામેલ કરો આ વસ્તુઓ

નવી દિલ્હીઃ તમે જોયું હશે કે બાળકો સામાન્ય રીતે ખાવા પીવાની બાબતમાં તદ્દન બેદરકાર હોય છે. પરંતુ તમારા માટે તે જાણવું ખૂબ જ મહત્વપૂર્ણ છે કે ખોરાકની બાબતમાં બાળકોની બેદરકારીની તેમના સ્વાસ્થ્ય પર સીધી અસર પડે છે. તેથી, તેમના માતાપિતાની જવાબદારી છે કે તેઓ તેમના બાળકના ખાવા પીવાની ખાસ કાળજી લે. આ સમાચારમાં, અમે આવી કેટલીક વસ્તુઓ લાવ્યા છે, જેના કારણે તમારું બાળક સ્વસ્થ અને તાકાતવર રહેશે...

બાળકોએ દરરોજ સંતુલિત માત્રામાં વિટામિન, ખનિજો, ચરબી અને પ્રોટીનનું સેવન કરવું જોઈએ. તેમના શારીરિક વિકાસ માટે તે ખૂબ જ મહત્વપૂર્ણ છે. જો તમારું બાળક નબળું છે, તો તમારે તેના આહારમાં લીલી શાકભાજી ઘી, માખણ, દાળ, દૂધ, કેળા, શક્કરીયા સામેલ કરવા જોઈએ.

બાળકોને ખવડાવો આ 6 વસ્તુઓ:
1- લીલા શાકભાજી
લીલા શાકભાજીમાં પોષક ભરપૂર હોય છે. આ સિવાય લીલા શાકભાજી પાચન તંત્રને સ્વસ્થ રાખવાની ક્ષમતા પણ ધરાવે છે. બાળકોએ બ્રોકોલી, બટાકા, વટાણા, પાલક અને કોબી નિયમિતપણે ખાવા જોઈએ. આ રીતે બાળકને સ્વાદની સાથે પોષણ પણ મળશે.

2- બનાના શેક
કેળાએ ઉર્જાનો ઉત્તમ સ્રોત છે. તે નબળા બાળકો માટે ખૂબ ફાયદાકારક છે. બાળકને બનાના શેક અથવા દૂધ અને કેળા ખવડાવવા જોઈએ...

3- ઘી અથવા માખણ
ઘી અને માખણ ચરબીયુક્ત ખોરાક છે. બાળકોએ તેનું નિયમિત સેવન કરવું જોઈએ. ઘી અથવા માખણનું સેવન દાળ અથવા રોટલીમાં લગાવીને કરી શકાય છે.

4- દાળ
કઠોળ એ પ્રોટીનનો સૌથી મોટો સ્રોત છે. દાળના પાણીમાં પણ પ્રોટીનની પૂરતી માત્રા જોવા મળે છે. જો તમારું બાળક નબળું છે, તો તેનું વજન વધારવા માટે, તેને નિયમિતપણે બધી દાળનું પાણી આપો.

5- મલાઈ વાળું દૂધ
મલાઈ વાળા દૂધમાં પર્યાપ્ત માત્રામાં ચરબી જોવા મળે છે, જે બાળકોના વજનમાં વધારો કરવા માટે ફાયદાકારક સાબિત થાય છે. જો બાળક દૂધ પીવાની ના પાડે છે, તો પછી તેને શેક અથવા ચોકલેટ પાવડર મિક્સ કરીને પીવડાવવાનો પ્રયાસ કરો.

6- ઈંડા અને બટાકા
ઇંડા અને બટાટા નબળા બાળકો માટે ખૂબ ફાયદાકારક છે, કારણકે બટાટા કાર્બોહાઈડ્રેટથી ભરપુર હોય છે અને ઈંડામાં પ્રોટીન હોય છે. નબળા બાળકોનું વજન વધારવા માટે ઈંડા અને બટાટાનો વપરાશ ખૂબ જ મહત્વપૂર્ણ છે.

(Disclaimer: અહીં આપવામાં આવેલી જાણકારી જનરલ માહિતી પર આધારિત છે. કોઈપણ પ્રયોગ કરતા પહેલાં નિષ્ણાતની સલાહ અચુક લેવી. ઝીમીડિયા આની પુષ્ટી કરતુ નથી.)