હવે કોઈ પણ વાયરસથી મળશે આઝાદી, એવો જીવ જે વાયરસનું કામ કરશે તમામ

નવી દિલ્હીઃ કોરોના સહિત પૃથ્વી પર એવા અનેક વાયરસ છે જે લોકો માટે ઘાતક નીવડી રહ્યા છે. પરંતુ વૈજ્ઞાનિકોએ એક એવા જીવને શોધી કાઢ્યો છે, જે વાયરસનો ખાત્મો બોલાવી શકે છે. આ એવો જીવ છે જે વાયરસને જ ખાઈ જાય છે. અને આ જીવ જ્યારે વાયરસને ખોરાક બનાવે છે ત્યારે તેમની સંખ્યામાં 15 ગણો વધારો થાય છે. જેના કારણે વાયરસનો ઝડપથી ખાત્મો થઈ શકે છે. ત્યારે આ જીવ માનવજાત માટે ખુબ જ ઉપયોગી સાબિત થઈ શકે છે. 

આખી દુનિયા વાયરસથી પરેશાન છે. કોરોના આપણી સામે જીવતું જાગતું ઉદાહરણ છે. પરંતુ હવે કોરોના જ નહીં જેટલા વાયરસ છે તે તમામનું કામ તમામ થઈ જશે. વિજ્ઞાનીઓને પહેલીવાર એવો જીવ મળ્યો છે જે વાયરસ ખાય છે. એટલે કે, તે વાયરસને મારી નાખે છે. આ શોધ USની નેબ્રાસ્કા-લિંકન યુનિવર્સિટીના વૈજ્ઞાનિકોએ કરી છે. ભવિષ્યમાં, આ જીવનો ઉપયોગ વાયરસને નિયંત્રિત કરવા માટે થઈ શકે છે. પ્લવક તાજા પાણીમાં જોવા મળતો એક પ્રકારનો પ્લાન્કટોન છે. વિશ્વનો પ્રથમ જીવ છે જે ફક્ત વાયરસ જ ખાય છે. તેનો નાસ્તો, લંચ અને ડિનર બધુ જ વાયરસ છે. વાયરસ ખાવાનો આ એકમાત્ર રસ્તો નથી. પરંતુ આવો આ એક જ જીવ છે, જે માત્ર વાયરસ ખાય છે. અન્ય જીવો પણ છે, જે જરૂર પડ્યે વાઈરસને ખાય છે. વૈજ્ઞાનીઓએ વાયરસ ખાનારા જીવોને વિરોવરી નામ આપ્યું છે.

સૂક્ષ્મ જીવો કે જે માત્ર વાયરસ ખાય છે, એટલે કે પ્લાન્કટોન, તેને હેલ્ટેરિયા કહેવામાં આવે છે. તે પ્રોટીસ્ટ સજીવ છે. તે તેના વાળ જેવા પ્રોબોસ્કિસને પાણીમાં લહેરાવે છે, વાયરસને પકડે છે અને તેનું સેવન કરે છે. લેબમાં પણ આ જીવ ક્લોરો વાયરસ ખાય છે. તે એક વિશાળ વાયરસ છે. એટલે કે, બેક્ટેરિયમના કદ જેટલો વાયરસ. આને ખવડાવીને, હેલ્ટેરિયાએ સમગ્ર વિશ્વમાં તાજા પાણીના સ્ત્રોતોમાં તેની વસ્તી વધારી છે. ક્લોરોવાયરસ ખાધા પછી, હેલ્ટેરિયા તેના શરીરને તોડીને નવા હેલ્ટેરિયા બનાવે છે. જેઓ ક્લોરોવાયરસનું સેવન કરીને સમાન પ્રક્રિયાનું પુનરાવર્તન કરે છે. આ શોધ કરનાર મુખ્ય સંશોધક જ્હોન ડીલોંગ કહે છે કે વાયરસ અને હેલ્ટેરિયા વચ્ચેનું જોડાણ આશ્ચર્યજનક છે. હેલ્ટેરિયા વાયરસનો ઉપયોગ કરીને અને પછી તેમની વસ્તી વધારીને મોટા પ્રમાણમાં ઊર્જા ઉત્પન્ન કરે છે. એટલે કે વૈશ્વિક સ્તરે જોવામાં આવે તો કાર્બન સાયકલિંગ મોટા પાયે થઈ રહ્યું છે.

વૈજ્ઞાનિક જ્હોનનું કહેવું છે વાયરસને માત્ર નુકસાન પહોંચાડનાર તરીકે જોવામાં ન આવે. તે ખોરાકને રીતે જોવામાં આવે છે તેથી જ કેટલાક જીવ તેનો આરોગી જાય છે. વાયરસમાં એમિનો એસિડ, ન્યુક્લિક એસિડ, લિપિડ્સ, નાઇટ્રોજન અને ફોસ્ફરસનું પ્રમાણ ઘણું વધારે છે. એટલે કે, વાયરસ એ આ જીવોનો સંપૂર્ણ આહાર છે. તે જાણવા માટે, જ્હોને લેબની અંદરના કન્ટેનરમાં તળાવનું પાણી લીધું. તેમાં ક્લોરોવાયરસ ઉમેરવામાં આવ્યું હતું. હેલ્ટેરિયા અને પેરામેશિયમ પાણીમાં પ્રથમ હતા.