સફેદ મીઠું કે કાળું મીઠું? જાણો સ્વાસ્થ્ય માટે કયુ છે વધારે ફાયદાકારક

Black Salt as Cholesterol Lowering Food: મીઠું આપણા રોજિંદા આહારનો એક મહત્વપૂર્ણ ભાગ છે, તેના વિના આપણે સારા સ્વાદની કલ્પના પણ ન કરી શકીએ. મીઠાની કમીથી શરીરમાં નબળાઈ આવી શકે છે. ખાસ કરીને ઉલ્ટી અને ઉબકાના સમયે જીભ પર મીઠું રાખવાથી તરત આરામ મળે છે, પરંતુ શું તમે જાણો છો કે સામાન્ય રીતે વપરાતું સફેદ મીઠું આપણા સ્વાસ્થ્યને નુકસાન પહોંચાડે છે, ખાસ કરીને જ્યારે આપણને કોલેસ્ટ્રોલની સમસ્યા વધારે હોય ત્યારે.

સફેદ મીઠાને બદલે કાળું મીઠું ખાઓ
જ્યારે કોલેસ્ટ્રોલ વધે છે, ત્યારે આરોગ્ય નિષ્ણાતો ખોરાકમાં સફેદ મીઠાનો ઉપયોગ ઘટાડવાની ભલામણ કરે છે, પરંતુ તેનાથી ખોરાકનો સ્વાદ બગડે છે, આવી સ્થિતિમાં તમે કાળા મીઠાનો ઉપયોગ કરી શકો છો. આના કારણે ટેસ્ટ પણ બેસ્ટ રહેશે અને સ્વાસ્થ્યને પણ નુકસાન નહીં થાય. ચાલો જાણીએ કાળું મીઠું ખાવાના ફાયદા વિશે.

કાળું મીઠું ખાવાના જબરદસ્ત ફાયદા

1. કોલેસ્ટ્રોલ લેવલ ઓછું થશે
જો તમે હાઈ કોલેસ્ટ્રોલ લેવલથી પરેશાન છો, તો સામાન્ય મીઠાની જગ્યાએ કાળા મીઠાનો ઉપયોગ કરો, તે લોહીને પાતળું બનાવે છે, જે રક્ત પરિભ્રમણને યોગ્ય રાખે છે. આના કારણે કોલેસ્ટ્રોલનું સ્તર ઘટવા લાગે છે અને હાઈ બ્લડ પ્રેશરમાં પણ રાહત મળે છે.

2. વધતા વજનમાં ઘટાડો થશે
જો તમે વજન ઝડપથી ઓછું કરવા માંગો છો, તો સૌથી પહેલા ખોરાકમાંથી સફેદ મીઠું કાઢી નાખો, તેના બદલે કાળું મીઠું ખાઓ, કારણ કે આમ કરવાથી પેટની ચરબી ઓછી થવા લાગે છે.

3. ઉલ્ટી અને કબજિયાતમાં રાહત મળશે
જ્યારે પણ તમને વારંવાર ઉલ્ટી થાય છે ત્યારે તમે કાળું મીઠું લઈ શકો છો, તેનાથી તરત જ આરામ મળશે. આ સાથે આ મીઠું ખાવાથી પેટમા ગરબડ હોય તો દૂર થાય છે અને કબજિયાત જેવી સમસ્યામાં પણ રાહત મળે છે.

(Disclaimer: અહીં આપેલી માહિતી ઘરગથ્થુ ઉપચાર અને સામાન્ય માહિતી પર આધારિત છે. તેને અપનાવતા પહેલા તબીબી સલાહ લેવી જોઈએ. ZEE24KALAK તેની પુષ્ટિ કરતું નથી.)