Turmeric: માપમાં કરો હળદરનું સેવન, નહીંતર ઉંઘી થશે અસર, ફાયદાને બદલે થશે નુકસાન

Turmeric Side Effects: હળદર આપણા રસોડામાં એક મહત્વપૂર્ણ ભાગ છે. આ એક એવો મસાલો છે જેનો ઉપયોગ માત્ર ભોજનનો સ્વાદ વધારવા માટે જ નથી થતો, પરંતુ તેનો ઉપયોગ અનેક બ્યુટી પ્રોડક્ટ્સમાં પણ થાય છે. હળદરમાં ઘણા પ્રકારના પોષક તત્વો જોવા મળે છે જે આપણા સ્વાસ્થ્ય માટે ફાયદાકારક છે, તેમાં કેલરી, ફેટ, કેલ્શિયમ, ફોસ્ફરસ, સોડિયમ, પોટેશિયમ, આયર્ન અને થાઈમીનનો સમાવેશ થાય છે. આ હોવા છતાં, તેનું સેવન મર્યાદામાં કરવું જોઈએ નહીં તો તેની વિપરીત અસરો થઈ શકે છે. ગ્રેટર નોઈડાની જીઆઈએમએસ હોસ્પિટલના પૂર્વ આહાર નિષ્ણાત આયુષી યાદવે જણાવ્યું કે જો કોઈ વ્યક્તિ વધુ પડતી હળદરનું સેવન કરે છે તો તેને કેવા નુકસાન ભોગવવા પડી શકે છે.

વધુ હળદર ખાવાના નુકસાન

1. પેટની સમસ્યાઓ
હળદરના વધુ પડતા સેવનથી પેટમાં બળતરા, અપચો અને દુખાવો થઈ શકે છે. ખાસ કરીને જે લોકો પહેલાથી જ પેટની સમસ્યાથી પરેશાન છે, તેઓએ હળદરનું સેવન કરતી વખતે ખાસ ધ્યાન રાખવું જોઈએ.

2. બ્લીડિંગ ડિસઓર્ડર
હળદર લોહીના પ્રવાહમાં વધારો કરી શકે છે અને આ રક્તસ્રાવની વિકૃતિઓ ધરાવતા દર્દીઓ માટે જોખમી બની શકે છે. જો તમને લોહી ગંઠાઈ જવાની સમસ્યા હોય તો હળદરનું વધુ પડતું સેવન કરવાનું ટાળો. અન્યથા નુકસાન નિશ્ચિત છે.

3. ખંજવાળ અને ચકામા
હળદરને ત્વચા માટે ફાયદાકારક માનવામાં આવે છે, પરંતુ વધુ પડતું સેવન ત્વચા માટે ખતરનાક સાબિત થઈ શકે છે, હકીકતમાં તેના વધુ પડતા સેવનથી રક્ત કોશિકાઓ પર ખરાબ અસર પડે છે, જેનાથી ખંજવાળ અને ચકામા થઈ શકે છે.

4. એલર્જી
કેટલાક લોકોને હળદરથી એલર્જી થઈ શકે છે, અને તેનું વધુ પડતું સેવન કરવાથી એલર્જીક પ્રતિક્રિયાઓ વધી શકે છે. આવા લોકો હળદરનો ઉપયોગ કરતા પહેલા નિષ્ણાતની સલાહ લે તે વધુ સારું છે.

(Disclaimer: અહીં આપવામાં આવેલી જાણકારી સામાન્ય માન્યતાઓ અને જાણકારીઓ પર આધારિત છે. ZEE 24 KALAK તેની પુષ્ટિ કરતું નથી.)