Supreme Court: મોદી સરકાર સામે 14 વિપક્ષી પાર્ટીઓ સુપ્રીમ કોર્ટ પહોંચી, લગાવ્યા ગંભીર આરોપ

Indian National Congress: સમય સમય પર કેન્દ્ર સરકાર પર ED-CBI કેન્દ્રીય એજન્સીઓના દુરુપયોગનો આરોપ છે. હવે આવો જ આરોપ લગાવતા દેશના 14 વિરોધ પક્ષો સુપ્રીમ કોર્ટમાં પહોંચ્યા છે. આ મામલે સુનાવણી 5 એપ્રિલે થશે. વિપક્ષી પક્ષો વતી વરિષ્ઠ વકીલ અભિષેક મનુ સિંઘવીએ આ મામલો ચીફ જસ્ટિસની સામે રાખ્યો છે. જો કે ભારતીય જનતા પાર્ટીએ વિરોધ પક્ષોના આ આરોપોને ફગાવી દીધા છે.

આ પણ વાંચો: How To Make Papaya Halwa: પપૈયાનો હલવો ખાવાથી પેટની સમસ્યાથી મળશે છુટકારો
આ પણ વાંચો: Lucky Moles: શરીરના આ ભાગમાં તલવાળા બની જાય છે કરોડપતિ, રાજાઓ જેવું જીવે છે જીવન
આ પણ વાંચો: નાક બંધ હોવાથી શ્વાસ લેવામાં પડી રહી છે તકલીફ, તાત્કાલિક રાહત માટે આ 3 પોઈન્ટ દબાવો

લાઈવ લોના એક સમાચાર અનુસાર, કોંગ્રેસ, આમ આદમી પાર્ટી અને શિવસેના, DMK, RJD, ભારત રાષ્ટ્ર સમિતિ, AITC, NCP, JMM, JD-U, CPI-M, CPI, સમાજવાદી પાર્ટી, J&K NCએ અરજી દાખલ કરી છે. કેન્દ્ર સરકાર સામે સુપ્રીમ કોર્ટમાં ગયા છે. તેમણે આરોપ લગાવ્યો કે કેન્દ્રીય તપાસ એજન્સીઓ, એન્ફોર્સમેન્ટ ડિરેક્ટોરેટ અને સેન્ટ્રલ બ્યુરો ઑફ ઇન્વેસ્ટિગેશનનો વિપક્ષી નેતાઓની ધરપકડ કરવામાં મનસ્વી રીતે ઉપયોગ કરવામાં આવી રહ્યો છે.

વિપક્ષી પાર્ટીઓ તરફથી કહેવામાં આવ્યું છે કે ભારતીય જનતા પાર્ટીમાં જોડાનાર કોઈપણ નેતા સામેની તપાસ અટકાવી દેવામાં આવે છે અથવા તો મોટાભાગે કેસ બંધ કરવામાં આવે છે. અભિષેક મનુ સિંઘવીએ કહ્યું કે 95% કેસ વિપક્ષી નેતાઓ વિરુદ્ધ છે, અમે ધરપકડ પહેલાં અને પછીના માર્ગદર્શિકાની માંગ કરી રહ્યા છીએ.