પશ્ચિમ બંગાળમાં વીજળી પડવાથી 20 લોકોના મોત, PM મોદીએ વ્યક્ત કર્યુ દુખ, વળતરની કરી જાહેરાત

કોલકત્તાઃ પશ્ચિમ બંગાળમાં આકાશીય વીજળીએ કહેર વરસાવ્યો છે. રાજ્યના ત્રણ જિલ્લામાં સોમવારે વીજળી પડવાથી 20 લોકોના મોત થયા છે. મુર્શિદાબાદ અને હુગલીમાં નવ-નવ તથા પૂર્વી મેદિનીપુર જિલ્લામાં બે લોકોના મોત થયા છે. પશ્ચિમ બંગાળમાં થયેલી આ દુર્ઘટના પર પીએમ મોદીએ મૃતકોના પરિવારજનો પ્રત્યે સંવેદના વ્યક્ત કરી છે. આ સાથે પ્રધાનમંત્રીએ વળતરની પણ જાહેરાત કરી છે. 

પીએમ મોદીએ ટ્વીટ કરતા લખ્યુ- મારી સંવેદનાઓ તે બધા લોકોની સાથે છે જેણે પશ્ચિમ બંગાળના કેટલાક ભાગમાં વીજળી પડવાથી સ્વજનો ગુમાવ્યા છે. ઈજાગ્રસ્તો જલદી સાજા થાય.