અગ્નિવીરોને મળશે મોટી તક, CAPFs અને આસામ રાઈફલ્સમાં મળશે પ્રાથમિકતા

નવી દિલ્હી: દેશની ત્રણેય સેનાઓમાં ભરતી માટે શરૂ કરાયેલી નવી 'અગ્નિપથ યોજના' અંગે મહત્વનું નિવેદન આવ્યું છે. ગૃહ મંત્રાલયે આ યોજનામાં 4 વર્ષ પૂરા કરનારા અગ્નિવીરોને CAPFs અને અસમ રાઈફલ્સમાં ભરતી માટે પ્રાથમિકતા આપવાનો નિર્ણય લીધો છે. 

ગૃહ મંત્રાલય તરફથી કહેવામાં આવ્યું છે કે પ્રધાનમંત્રી નરેન્દ્ર મોદીના આ નિર્ણયથી 'અગ્નિપથ યોજના'થી તાલિમબદ્ધ યુવાઓ આગળ પણ દેશની સેવા અને સુરક્ષામાં પોતાનું યોગદાન આપી શકશે. આ નિર્ણય પર વિસ્તૃત યોજના બનાવવાનું કામ શરૂ કરી દેવાયું છે.