અયોધ્યામાં હવે બનશે ગગનચુંબી રામ મંદિર: અમિત શાહ

રાંચી/લાતેહર: દેશના ગૃહમંત્રી અને ભારતીય જનતા પાર્ટી (BJP)ના અધ્યક્ષ અમિત શાહે આજે અયોધ્યામાં રામ મંદિર મુદ્દે કોંગ્રેસ પર આકરા પ્રહારો કર્યા છે. શાહે  કહ્યું કે કોંગ્રેસના કારણે જ અયોધ્યા વિવાદ વર્ષોથી લટકી રહ્યો. કોંગ્રેસ કોર્ટમાં કેસ ચાલવા દેતી જ નહતી. 

ઝારખંડના લાતેહરમાં વિધાનસભા ચૂંટણીના પ્રચાર દરમિયાન એક રેલીને સંબોધન કરતા શાહે કહ્યું કે દરેક વ્યક્તિ ઈચ્છે છે કે અયોધ્યામાં રામ મંદિર બનવું જોઈએ. પરંતુ આ કોંગ્રેસ પાર્ટી કેસ ચાલવા દેતી જ નહતી. દેશની સર્વોચ્ચ કોર્ટે ઐતિહાસિક ચુકાદો આપતા સર્વસંમતિથી નિર્ણય કર્યો છે કે અયોધ્યામાં જ્યાં શ્રીરામનો જન્મ થયો હતો, ત્યાં  ભવ્ય મંદિર બને. 

રામની કૃપાથી રસ્તો ખુલ્યો
ગૃહમંત્રીએ કહ્યું કે આટલા વર્ષોથી આ નિર્ણય લેવાઈ રહ્યો નહતો, અમે પણ ઈચ્છતા હતાં કે બંધારણીય રીતે આ વિવાદનો ઉકેલ આવે અને જુઓ શ્રી રામની કૃપાથી સુપ્રીમ કોર્ટે ચુકાદો આપી દીધો અને તેમના નિર્ણયથી જ તે સ્થાન પર ભવ્ય રામ મંદિર બનવાનો રસ્તો ખુલી ગયો છે. 

જુઓ LIVE TV