અયોધ્યામાં રામ મંદિર તોડીને મસ્જિદનું નિર્માણ એક ઐતિહાસિક ભૂલ હતી: હિન્દુ પક્ષ

નવી દિલ્હી: અયોધ્યા મામલે સુપ્રીમ કોર્ટમાં આજે 39માં દિવસની સુનાવણી શરૂ થઈ ત્યારે રાજીવ ધવને સુપ્રીમ કોર્ટને જણાવ્યું કે નિર્મોહી અખાડાના વકીલ સુશીલ જૈનના માતાનું નિધન થયું છે. આથી આજે તેઓ પોતાની દલીલ રજુ કરી શકશે નહીં. જૈન, સુન્ની વક્ફ બોર્ડની દલીલોના જવાબ કાલે આપશે. રામલલ્લાના વકીલ કે પરાસરને વક્ફ બોર્ડની દલીલોનો જવાબ આપ્યો. 

હિન્દુ પક્ષના વકીલ કે પરાસરને કહ્યું કે બાબર જેવા વિદેશી આક્રમણકારીને હિન્દુસ્તાનના ગૌરવશાળી ઈતિહાસને ખતમ કરવાની મંજૂરી આપી શકાય નહીં. અયોધ્યામાં રામ મંદિરનો વિધ્વંસ કરીને મસ્જિદનું નિર્માણ એક ઐતિહાસિક ભૂલ હતી, જેને સુપ્રીમ કોર્ટે ઠીક કરવી જોઈએ. 

પરાસરને કહ્યું કે એક વિદેશી આક્રમણકારીને એ હક આપી શકાય નહીં કે તેઓ આ દેશમાં આવીને પોતાને બાદશાહ જાહેર કરે અને કહે કે મારી આજ્ઞા જ કાયદો છે. જો કે ઈતિહાસમાં અનેક શક્તિશાળી હિન્દુ રાજા પણ રહ્યાં હતાં પરંતુ કોઈનું વિદેશમાં આમ આક્રમણ કરવાનું કોઈ ઉદાહરણ મળતું નથી. 

જુઓ LIVE TV