બિહારના પૂર્ણિયામાં 20 મિનિટમાં કરોડો રૂપિયાની લૂંટ, સ્ટાફ-ગ્રાહકને બંધક બનાવી તનિષ્કનો શોરૂમ લૂંટ્યો
પહેલા ત્રણ બદમાશો શોરૂમમાં ગ્રાહક તરીકે ઘૂસ્યા. જ્વેલરી ખરીદવાના બહાને તેમણે સ્ટાફને પોતાની વાતોમાં વ્યસ્ત રાખ્યો. આ પછી વધુ 3 બદમાશો અંદર ઘૂસ્યા. દરેક પાસે પિસ્તોલ હતી.
Bihar Robbery: બિહારના પૂર્ણિયાના તનિષ્ક શો-રૂમમાં શુક્રવાર (26 જુલાઈ) એ ધોળાદિવસે લૂંટ થઈ છે. કહેવામાં આવી રહ્યું છે કે હથિયાર લઈને આવેલા લોકોએ આ લૂંટને અંજામ આપ્યો છે. સૌથી વધુ હીરાની લૂંટ થઈ છે. મળતી માહિતી પ્રમાણે કરોડો રૂપિયાની લૂંટ થઈ છે. ભાગવાના પ્રયાસમાં એક વ્યક્તિનિ પિસ્તોલ રોડ પર પડી ગઈ હતી. પૂર્ણિયા એસપી ઉપેન્દ્ર વર્મા ઘટનાની જાણકારી મળતા શો-રૂમમાં તપાસ કરવા પહોંચ્યા હતા.
પોલીસ કરી રહી છે ઘટનાની તપાસ
બિહારના પૂર્ણિયામાં શુક્રવારે સવારે તનિષ્ક શોરૂમમાં લૂંટ થઈ હતી. બદમાશો કરોડ રૂપિયાથી વધુની કિંમતનાં ઘરેણાં લઈ ગયા છે. તેમાં મોટી કિંમતની ડાયમંડ જ્વેલરી છે. બાકીના સોનાના દાગીના હોવાનું કહેવાય છે. બાઇક પર આવેલા છ ગુનેગારોએ લૂંટને અંજામ આપ્યો હતો. દરેક પાસે હથિયાર હતાં. પહેલા ત્રણ ગુનેગારો ગ્રાહક બનીને શોરૂમમાં પ્રવેશ્યા હતા. આ પછી વધુ ત્રણ અંદર ગયા. પછી બધાએ ગનપોઇન્ટ પર લૂંટ ચલાવી. લૂંટ દરમિયાન બદમાશોએ ઉપરના માળે શોરૂમના કર્મચારીઓ અને ગ્રાહકોને બંધક બનાવ્યા હતા. આ ઘટના પૂર્ણિયાના સહાયક ખજાનચી પોલીસ સ્ટેશન વિસ્તારમાં ડાક બંગલા ચોક સ્થિત તનિષ્ક શોરૂમમાં બની હતી. 20 મિનિટમાં જ ગુનેગારો આખી ઘટનાને અંજામ આપી નીકળી ગયા. માહિતી મળતાં જ પોલીસ અધિકારીઓ ઘટનાસ્થળે પહોંચી ગયા હતા. કેસની તપાસ ચાલી રહી છે. સીસીટીવીની પણ તપાસ કરવામાં આવી રહી છે...
સૌથી વધુ માત્રામાં ડાયમંડની લૂંટ
તનિષ્ક શોરૂમ પૂર્ણિયા કે લાઇન બજારમાં સ્થિત છે. તનિષ્કમાં છેલ્લા 10 દિવસથી હીરાનું એક્ઝીબિશન ચાલી રહ્યું હતું. શોરૂમના સ્ટાફ પાસેથી જાણકારી મળી કે મોટી માત્રામાં ડાયમંડની લૂંટ થઈ છે. જેનું મૂલ્ય કરોડોમાં હશે. તો પોલીસ ઊંડાણપૂર્વક ઘટનાની તપાસમાં લાગી છે. આ ઘટના બપોરે 12 કલાક આસપાસ બની હતી. આ ઘટનાની તપાસ માટે એફએસએલની ટીમ પણ ઘટનાસ્થળે પહોંચી હતી.