CDS રાવતનું હેલીકોપ્ટર ક્રેશ, દેશ બેચેન, અનેક નેતાઓએ વ્યક્ત કર્યુ દુખ

નવી દિલ્હીઃ Tamil Nadu Bipin Rawat Helicopter Crash: તમિલનાડુના કુન્નૂરમાં વાયુસેનાનું હેલીકોપ્ટર ક્રેશ થઈ ગયું છે. હેલીકોપ્ટરમાં સીડીએસ જનરલ બિપિન રાવત સહિત 14 લોકો સવાર હતા. આ દુર્ઘટના પર દેશની જનતા દુવાઓ કરી રહી છે. તમામ લોકો સુરક્ષિત હોવાની કામના કરવામાં આવી રહી છે. આ દુર્ઘટના પર કોંગ્રેસ નેતા રાહુલ ગાંધી, કેન્દ્રીય મંત્રી નીતિન ગડકરી અને બંગાળના મુખ્યમંત્રીએ દુખ વ્યક્ત કર્યુ છે અને ઈજાગ્રસ્તો માટે દુવા કરી છે. 

કોંગ્રેસ સાંસદ રાહુલ ગાંધીએ ટ્વીટ કર્યુ- ચોપરમાં હાજર સીડીએસ જનરલ બિપિન રાવત, તેમના પત્ની અને અન્ય લોકો સુરક્ષિત હોય તેની આશા કરી રહ્યો છે. જલદી સાજા થઈ જાય તે માટે દુવા કરુ છું.