ધારાસભ્યએ ભીડ ઉપર ચઢાવી દીધી કાર, 7 પોલીસકર્મીઓ સહિત 20 લોકો ગંભીર રીતે ઘાયલ

ભુવનેશ્વર: ઓડિશાના ખુર્દ જિલ્લાના બાનાપુરમાં બીજેડીના સસ્પેન્ડેડ ધારાસભ્ય પ્રશાંત જગદેવના વાહન દ્રારા કથિત રીતે ટક્કર મારતાં 7 પોલીસકર્મીઓ સહિત ઓછામાં ઓછા 20 લોકો ઘાયલ થયા હતા.

ધારાસભ્ય પણ ગંભીર રીતે ઘાયલ
પોલીસે કહ્યું કે ઘટનામાં ચિલ્કાના ધારાસભ્ય જગદેવ પણ ગંભીર રીતે ઘાયલ થયા છે. જગદેવના વાહને બ્લોક અધ્યક્ષની ચૂંટણી દરમિયાન બીડીઓ બાનાપુરના કાર્યાલાયની બહાર જમા ભીડને ટક્કર મારી હતી. 

પોલીસ અધિકારી ગંભીર રીતે ઘાયલ
અધિકારીઓએ જણાવ્યું કે ઘટનામાં બાનાપુર પોલીસ મથકના પ્રભારી નિરીક્ષક આર.આર. સાહૂ સહિત 2 લોકો ગંભીર રીતે ઘાયલ થયા અને તેમને AIIMS ભુવનેશ્વર લઇ જવામાં આવ્યા.