શાહીન બાગઃ કપિલ ગુર્જરના ખુલાસા બાદ AAP પર ભાજપ આક્રમક, કહ્યું- દેશ માફ નહીં કરે, જનતા આપશે જવાબ

નવી દિલ્હીઃ શાહીન બાગમાં ફાયરિંગ કરનાર વ્યક્તિની આપના નેતાઓની સાથે તસવીરો સામે આવ્યા બાદ દિલ્હીની ચૂંટણીના તાપમાનમાં એકાએક વધારો થયો છે. આ તસવીરને લઈને ભાજપના અધ્યક્ષ જેપી નડ્ડાએ આમ આદમી પાર્ટી પર આકરા પ્રહારો કર્યો છે. નડ્ડાએ કહ્યું કે, આજે આપના આતંકી ગતિવિધિઓને અંજામ આપનારની સાથે સંબંધ સામે આવ્યા છે. 

તસવીરોમાં સંજય સિંહની સાથે કપિલ ગુર્જર
દિલ્હી પોલીસની ક્રાઇમ બ્રાન્ચને પૂછપરછ દરમિયાન કપિલના ફોનમાંથી ઘણી તસવીરો મળી છે, જેમાં આપમાં જોડાવાની તસવીર પણ સામેલ છે. આ તસવીરોમાં કપિલ પોતાના પિતા અને અન્ય લોકોની સાથે આપનું સભ્યપદ લઈ રહ્યો છે. ક્રાઇમ બ્રાન્ચના ડીસીપી રાજેશ દેવે જણાવ્યું, 'અમારી શરૂઆતી તપાસમાં કપિલના ફોનમાંથી કેટલિક તસવીરો મળી છે, જેનાથી તે સાબિત થાય છે અને તેણે ખુલાસો કર્યો છે કે તે અને તેના પિતા એક વર્ષ પહેલા આમ આદમી પાર્ટીમાં જોડાયા હતા.

જુઓ LIVE TV