BJP સાંસદ સાધ્વી પ્રજ્ઞાએ જેને દેખાડી હતી ફિલ્મ `ધ કેરાલા સ્ટોરી`, તે છોકરી મુસ્લિમ પ્રેમી સાથે ભાગી ગઈ

The Kerala Story Case: ફિલ્મ ધ કેરાલા સ્ટોરી અંગે અનેક વિવાદો થયા. રાઈટ વિંગ સંગઠનોએ આ ફિલ્મને ખુલ્લેઆમ સમર્થન કર્યું. અનેક જગ્યાઓ પર ભારતીય જનતા પાર્ટીના નેતાઓએ છોકરીઓને આ ફિલ્મ દેખાડી અને તેમાંથી શીખ લેવાની વાત કરી. આવું જ કઈક ભાજપના સાંસદ સાધ્વી પ્રજ્ઞાએ પણ કર્યું હતું. હવે રિપોર્ટ્સ છે કે સાધ્વી પ્રજ્ઞાએ મધ્ય પ્રદેશના પાટનગર ભોપાલમાં જે છોકરીને ધ કેરાલા સ્ટોરી દેખાડી હતી તે તેના મુસ્લિમ પ્રેમી સાથે  ભાગી ગઈ છે. 

રિપોર્ટ્સ મુજબ સાધ્વી પ્રજ્ઞાએ આ છોકરીને ફિલ્મ જોયા બાદ સલાહ આપી હતી કે તે તેના પ્રેમી યુસુફથી અંતર જાળવી લે. 30મી મેના રોજ આ છોકરીના લગ્ન થવાના હતા પરંતુ તે પહેલા જ તે તેના પ્રેમી સાથે ઘર છોડીને ભાગી ગઈ. એવું કહેવાય છે કે તે તેની સાથે કેટલાક દાગીના અને કેશ પણ લેતી ગઈ છે. હવે છોકરીના ઘરવાળાઓએ ભોપાલના કમલાનગર પોલીસમથકમાં ફરિયાદ દાખલ કરી છે. 

ઘરવાળાના આરોપને છોકરીએ ફગાવ્યા
છોકરીના ઘરવાળાઓએ આરોપ લગાવ્યા છે કે યુસુફે તેમની પુત્રીને ફસાવી લીધી છે અને લઈને ભાગી ગયો. આરોપ છે કે યુસુફે તેમની પુત્રીના નામે લોન પણ લીધી છે અને EMI ચૂકવવા માટે મજબૂર પણ કરી છે. જો કે છોકરીએ કહ્યું  કે તે તેની મરજીથી ભાગી છે. એવું પણ કહેવાય છે કે યુસુફ તેના વિસ્તારનો હિસ્ટ્રીશીટર છે અને ત્યાં તેના વિરુદ્ધ અનેક કેસ પણ દાખલ છે.