BJP નો દાવો- અજિત પવાર જ સદનમાં NCP ના નેતા છે અને તેમની વ્હીપ જ માન્ય રહશે

મુંબઇ: ભાજપ (BJP)એ કહ્યું કે અજિત પવાર (Ajit Pawar) જ સદનમાં એનસીપી (NCP) નેતા છે અને તેમની વ્હીપ જ માન્ય રહેશે. ભાજપ નેતા આશીષ શેલારે કહ્યું કે રાજ્યપાલે અજિત પવારને એનસીપી ધારાસભ્ય દળના નેતા ગણી રહ્યા છે. 

શેલારે કહ્યું કે અજિત પવાર દ્વારા આપવામાં આવેલા સમર્થન પત્ર પર જ રાજ્યપાલે નિર્ણય કર્યો છે. શેલાર આ સમાચારો વિશે પ્રતિક્રિયા આપી રહ્યા હતા જેમાં કહેવામાં આવ્યું હતું કે જયંત પાટિલ (Jayant Patil)ને ધારાસભ્ય દળના નેતા તરીકે માન્યતા આપવામાં આવી રહી છે અને તેમને વ્હીપ જાહેર કરવાનો અધિકાર મળી ગયો છે. 

શેલારે કોંગ્રેસ, એનસીપી અને શિવસેનાને પડકારતાં કહ્યું કે ફોટોગ્રાફર તમારો, ફોટો પણ તમારો પરંતુ આ રેસનો ફોટો ફિનિશની જીત અમારી થશે. જીત દેવેંદ્વ ફડણવીસ અને અજિત પાવરની થશે.