કાશ્મીરઃ શ્રીનગરમાં યુનિવર્સિટી ઓફ કાશ્મીરના ગેટની બહાર વિસ્ફોટ, બે ઘાયલ

શ્રીનગરઃ જમ્મુ-કાશ્મીરના શ્રીનગરમાં ગ્રેનેડ વિસ્ફોટ થયો હોવાના સમાચાર છે. શહેરમાં કાશ્મીર યુનિવર્સિટીના ગેટની બહાર કેટલાક અજાણ્યા હુમલાખોર ગ્રેનેડ ફેંકીને ભાગી ગયા હતા. પોલીસના અનુસાર આ વિસ્ફોટમાં બે લોકો ઘાયલ થાય છે. 

પોલીસ હાલ એ તપાસ કરી રહી છે કે, આ કેવા પ્રકારનો વિસ્ફોટ હતો. શું કોઈએ પેટ્રોલ બોમ્બ ફેંકીને દહેશત ફેલાવા પ્રયાસ કર્યો હતો કે પછી ગ્રેનેડ વિસ્ફોટ કરાયો હતો? 

જોકે, ઘટનાસ્થળે હાજર લોકોનું કહેવું છે કે આ એક ગ્રેનેડ વિસ્ફોટ હતો. પોલીસે ઘાયલોને નજીકની હોસ્પિટલમાં ખસેડ્યા છે, જ્યાં તેમનો ઈલાજ ચાલી રહ્યો છે. આ હુમલા પાછળ કોનો હાથ હતો એ હજુ જાણી શકાયું નથી.

(ઘટનાની વધુ વિગતો અપેક્ષિત છે)

જુઓ LIVE TV....