‘દલિત, બ્રાહ્મણ, યાદવ મુસ્લિમમાં ભાઇચારો, તેની આગળ બધા હાર્યા’: BSPનું નવું સ્લોગન

નવી દિલ્હી: લોકસભા ચૂંટણીની તારીખોની જાહેરાતની સાથે જ બધી પાર્ટિઓ હવે સુપર એક્ટિવ થઇને કામ કરી રહી છે. ભાજપની ચૂંટણી જંગમાં હરાવી દેવા માટે પ્રત્યેક રાજકીય પાર્ટીઓ પોતા-પોતાના એજન્ડા પર કામ કરી રહ્યાં છે. ચૂંટણીમા દરેક સંભવ પ્રયત્ન કરવા બીએસપી પણ ભાજપને હરાવી દેવા માટે તૈયારી કરી રહી છે. લોકસભા ચૂંટણી 2019 માટે બીએસપીએ પહેલી વખત વોર રૂમ તૈયાર કર્યો છે. જ્યાંથી દરેક સવાલનો જવાબ આપવામાં આવશે. આ સાથે જ બીએસપીએ નવો ચૂંટણી નારો પણ આપ્યો છે. ‘દલિત, બ્રાહ્મણ, યાદવ મુસ્લિમમાં ભાઇચારો, તેમની આગળ બધા હાર્યા.’

વધુમાં વાંચો: કર્ણાટકમાં 24 કલાકમાં બની જશે BJP સરકાર: યેદુયરપ્પાએ આપ્યો મોટો સંકેત

આ સાથે જ આ જાણકારી છે કે બીએસપી સુપ્રીમોએ માયાવતીએ 14 માર્ચે બીએસપી કોર કમિટિની બેઠક બોલાવી છે. આ બેઠકમાં બધા ઝોનલ કોડિનેટર અને પ્રભારીઓને બોલાવવામાં આવ્યા ચે. આ બેઠકમાં ઉમેદવારોની ટિકિટ ફાઇનલ થશે. બેઠક બાદ બીએસપી ઉમેદવારોની યાદી જાહેર કરવામાં આવશે.

જોકે, બીએસપીની તરફથી મંગળવારે એક નિવેદન આપવામાં આવ્યું હતું કે, આગામી લોકસભા ચૂંટણીમાં પણ ‘હાઇ ટેક પ્રચાર પ્રસાર’થી દૂર રહેશે અને પાર્ટી જૂની પરંપરાગત રીત અપનાવી ચૂંટણી મેદાનમાં ઉતરશે. તમને જણાવી દઇએ કે હાલમાં જ માયાવતી ટ્વિટરથી જોડાયા અને થોડા દિવસોમાં તેમના ફોલઓવરની સંખ્યા લગભગ દોઢ લાખ સુધી પહોંચી ગઇ છે. ટ્વિટર પર આવ્યા બાદથી માયાવતી તેમની વાત કહેવાના આ સમય તેને સૌથી મોટો સપોર્ટ બનાવ્યો છે.