CBSE Board Result 2023: CBSE 10th-12thનું પરિણામ આવતીકાલે આવશે? જાણી લો આ સચ્ચાઈ

CBSE Board Result 2023 Date Update: CBSE બોર્ડ પરિણામની રાહ જોઈ રહેલા વિદ્યાર્થીઓ માટે એક મોટી અપડેટ બહાર આવી છે. બુધવારે સોશિયલ મીડિયા પર વાયરલ થઈ રહેલા CBSE બોર્ડના નોટિફિકેશનમાં એવો દાવો કરવામાં આવ્યો છે કે CBSE બોર્ડ 10મા-12માનું પરિણામ 11 મે, 2023ના રોજ આવશે. જો કે બોર્ડના સત્તાવાર નિવેદન મુજબ આ નોટિફિકેશન નકલી છે. બોર્ડે કહ્યું છે કે હવે વિદ્યાર્થીઓએ સત્તાવાર જાહેરાતની રાહ જોવી જોઈએ.

38 લાખ વિદ્યાર્થીઓ રાહ જોઈ રહ્યા છે
જ્યારથી CBSE બોર્ડની ધોરણ 10-12ની પરીક્ષાઓ પૂરી થઈ છે, ત્યારથી પરીક્ષામાં હાજર રહેલા 38 લાખથી વધુ વિદ્યાર્થીઓ તેમના પરિણામની રાહ જોઈ રહ્યા છે. હવે આ સૂચના સામે આવ્યા બાદ વિદ્યાર્થીઓમાં સંશયનો માહોલ ઉભો થયો છે. ઘણા વિદ્યાર્થીઓનું કહેવું છે કે અગાઉ પણ એવું જોવા મળ્યું છે કે સીબીએસઈની જાહેરાત પહેલાં જ ઘણા સોશિયલ મીડિયા પ્લેટફોર્મ પર પરિણામની તારીખ સાથે જોડાયેલી માહિતી લીક થઈ ગઈ છે.

પરિણામ ક્યારે જાહેર થશે?
જો કે બોર્ડ દ્વારા હજુ સુધી પરિણામની તારીખ અને સમય અંગે કોઈ માહિતી આપવામાં આવી નથી. એકવાર પરિણામ જાહેર થઈ ગયા પછી, ધોરણ 10 અને 12ના વિદ્યાર્થીઓ CBSEની અધિકૃત વેબસાઇટ, cbse.gov.in પર જઈને તેમના પરિણામો ચકાસી શકશે.

છોકરીઓ પગમાં સોનાની નહી પણ ચાંદી કેમ પહેરે છે પાયલ? જાણો માન્યતા અને ફાયદા
Superfoods: આ સુપરહેલ્દી ફૂડ્સ તમારા નખને બનાવશે સુંદર અને હેલ્ધી, બસ આટલું કરો
ઉનાળામાં રાત્રે સુતા પહેલાં સ્નાન કરવાના છે આ 5 ફાયદા, શરીર અને દીમાગનો થાક થશે દૂર
ડાયેટિંગ કરવા છતાં પણ ઓછું થતું નથી વજન તો આજે જ ફોલો કરો આ 10 ટિપ્સ

CBSE 10th Result 2023 On Digilocker: તમે આ રીતે પરિણામ ચકાસી શકો છો
સ્ટેપ 1: CBSE પરિણામ જાહેર થયા પછી સૌ પ્રથમ તમારા સ્માર્ટ ફોનમાં સર્ચ એન્જિન Google ખોલો.
સ્ટેપ 2: અહીં DigiLocker વેબસાઇટ digilocker.gov.in પર જાઓ અથવા પ્લે સ્ટોરમાં DigiLocker એપ્લિકેશન ડાઉનલોડ કરો અને ખોલો.
સ્ટેપ 3: હોમ પેજ પર સાઇન અપ લિંક પર ક્લિક કરો.
સ્ટેપ 4: તમારું નામ (આધાર કાર્ડ મુજબ), જન્મ તારીખ, કેટેગરી, માન્ય મોબાઈલ નંબર, ઈમેલ આઈડી, આધાર નંબર અને 6 અંકની સુરક્ષા પિન દાખલ કરો.
સ્ટેપ 5: માંગેલી બધી જરૂરી વિગતો ભર્યા પછી, યૂઝરનેમ સેટ કરો.
સ્ટેપ  6: એકાઉન્ટ બની ગયા પછી, 'CBSE' લિંક પર ક્લિક કરો.
સ્ટેપ 7: અહીં,  'CBSE X Result 2023' લિંક પર ક્લિક કરો.
સ્ટેપ  8: તમારો રોલ નંબર અને નોંધાયેલ મોબાઇલ નંબર દાખલ કરો. તમારું પરિણામ સ્ક્રીન પર ખુલશે.
સ્ટેપ 9: તેને તપાસી અને ડાઉનલોડ કર્યા પછી, તમે પ્રિન્ટઆઉટ લઈ શકો છો અને તેને તમારી સાથે રાખી શકો છો.

તમે આ વેબસાઈટ પર સીબીએસઈનું પરિણામ પણ જોઈ શકો છો
cbseresults.nic.in
cbse.nic.in
cbse.gov.in
digilocker.gov.in
results.gov.in
DigiLocker
UMANG

CBSE 10માનું પરિણામ ક્યારે આવશે?
અહેવાલો અનુસાર, CBSE મેના બીજા સપ્તાહમાં ધોરણ 10નું પરિણામ જાહેર કરી શકે છે. જોકે, CBSE અધિકારીઓએ હજુ સુધી પરિણામ જાહેર કરવા અંગે કોઈ સત્તાવાર તારીખ અને સમય આપ્યો નથી. બોર્ડ ટૂંક સમયમાં તેની સત્તાવાર વેબસાઇટ અને Twitter એકાઉન્ટ દ્વારા રિલીઝની તારીખ જાહેર કરી શકે છે. વિદ્યાર્થીઓને નવી  માહિતી માટે વેબસાઇટ પર નજર રાખવાની સલાહ આપવામાં આવે છે. જણાવી દઈએ કે આ વર્ષે CBSE બોર્ડની પરીક્ષા 2023 માટે કુલ 38,83,710 વિદ્યાર્થીઓએ રજીસ્ટ્રેશન કરાવ્યું હતું. જેમાં ધોરણ 10ના 21,86,940 વિદ્યાર્થીઓ અને ધોરણ 12ના 16,96,770 વિદ્યાર્થીઓનો સમાવેશ થાય છે.