NEET પરીક્ષા 2018નું પરિણામ જાહેર, 99.99 % સાથે કલ્પનાએ કર્યું ટોપ
સીબીએસઇ, ભારતીય ચિકિત્સા પરિષદ અને ભારતીય દંત ચિકિત્સા પરિષદ દ્વારા માન્યતા પ્રાપ્ત કોલેજોમાં એમબીબીએસ અને બીડીએસના અભ્યાસક્રમમાં પ્રવેશ માટે લેવાયેલ નીટ પરીક્ષાનું પરિણામ જાહેર કરાયું છે.
નવી દિલ્હી : કેન્દ્રિય માધ્યમિક શિક્ષણ બોર્ડ (સીબીએસઇ)એ સોમવારને 4થી જૂનના રોજ નીટ પરીક્ષાના પરિણામની જાહેરાત કરી છે. દેશભરમાં મેડિકલ અને ડેન્ટલ કોલેજોમાં પ્રવેશ માટે આ પરીક્ષા લેવામાં આવે છે. આ પરિણામ સત્તાવાર વેબસાઇટ cbseneet.nic.in અને cbseresults.nic.in પર જોઇ શકાય છે.
કલ્પના કુમારીએ 99.99 % સાથે સમગ્ર દેશમાં ટોપ કર્યું છે. કલ્પનાએ ભૌતિકશાસ્ત્રમાં 180માંથી 171, રસાયણશાસ્ત્રમાં 180માંથી 160, જીવવિજ્ઞાનમાં 360માંથી 360 ગુણ સાથે કુલ 720 ગુણમાંથી 691 ગુણ પ્રાપ્ત કર્યા છે.