Jammu Kashmir: ગ્રાહકના વેશમાં આતંકી બેંકમાં ઘૂસ્યો અને બેંક મેનેજર પર ફાયરિંગ કર્યું, ટાર્ગેટ કિલિંગનો ચોંકાવનારો Video

CCTV Footage of Target Killing: જમ્મુ અને કાશ્મીરમાં ટાર્ગેટ કિલિંગની ઘટનાઓ વધતી જાય છે. આજે પણ કાશ્મીરના કુલગામમાં આતંકીઓએ એક બેંક મેનેજરની બેંકમાં ઘૂસીને હત્યા કરી નાખી. ટાર્ગેટ કિલિંગની આ ઘટનાનું સીસીટીવી ફૂટેજ પણ સામે આવ્યું છે જેમાં જોઈ શકાય છે કે કેવી રીતે આતંકી બેંકમાં ઘૂસ્યો અને ફાયરિંગ કર્યું.  

કાશ્મીર ખીણના કુલગામના મોહનપોરામાં Ellaqie Dehati Bank માં આતંકી ગ્રાહકના વેશમાં ઘૂસ્યો અને પછી આમતેમ નજર ફેરવીને તેણે તક મળતા જ બેંક મેનેજર પર ફાયરિંગ કર્યું અને પછી ભાગી ગયો. ટાર્ગેટ કિલિંગની ઘટનામાં જોઈ શકાય છે કે આતંકીઓ આ રીતે સામાન્ય નાગરિકોના વેશમાં ફરે છે અને પછી આવી ઘટનાઓને અંજામ આપે છે. ટાર્ગેટ કિલિંગની આ ઘટનાઓ લોકોમાં દહેશત પેદા કરી રહી છે.