Chandrayaan-3: ચંદ્રયાન-3 એ મહત્વનો પડાવ પાર કર્યો, પ્રોપલ્શન મોડ્યુલથી અલગ થયું વિક્રમ લેન્ડર, હવે એકલા હાથે ચંદ્રમાં પર પહોંચશે

ચંદ્રયાન-3ના વિક્રમ લેન્ડરે હવે ચંદ્રની સપાટી પર ઉતરવાની છેલ્લા 100 કિલોમીટરની જર્ની પોતે જ કાપવાની છે. તેણે પોતાના એન્જિનો એટલે કે થ્રસ્ટર્સનો ઉપયોગ કરીને પોતાની ગતિ ધીમી કરવાની છે. આ સાથેજ ઊંચાઈ પણ ઓછી કરવાની છે. આજે બપોરે વિક્રમ લેન્ડર પોતાના પ્રોપલ્શન મોડ્યુલથી અલગ થઈ ગયું. 

હવે 18 અને 20 ઓગસ્ટના રોજ થનારી ડીઓર્બિટિંગ દ્વારા વિક્રમ લેન્ડરને 30 કિલોમીટરવાળી પેરીલ્યૂન અને 100 કિમીવાળા એપોલ્યૂન ઓર્બિટમાં નાખવામાં આવશે. પેરીલ્યૂન એટલે કે ચંદ્રની સપાટીથી ઓછું અંતર. એપોલ્યૂન એટલે કે ચંદ્રની સપાટીથી વધુ અંતર. અત્યાર સુધીની મુસાફરી પોપલ્શન મોડ્યુલે પૂરી કરાવી છે. ત્યારબાદ વિક્રમે હવે બાકી અંતર પોતે કાપવાનું છે.