Chandrayaan-3 Update: ચંદ્રયાન-3 એ મોકલી ચંદ્રની નવી તસવીરો, જુઓ અદભૂત નજારો

Chandrayaan-3 Latest Images: ધરતીથી લાખો કિલોમીટર દૂર મિશન ચંદ્રયાન-3 (Chandrayaan-3)પોતાના અંતિમ પડાવ પર છે. વિક્રમ લેંડરની ડીબૂસ્ટિંગ પ્રક્રિયાની સાથે જ આગામી થોડા દિવસોમાં વિક્રમ લેંડર અને પ્રજ્ઞાન રોવર માટે એકદમ મહત્વપૂર્ણ રહેશે. ચંદ્રયાનની આ સફર દરેક મુશ્કેલ પડકારોને પાર કરી અહીં સુધી પહોંચ્યું છે અને આગળ પણ તેની સફર ચાલુ છે તો હવે ચંદ્ર (Moon) પર તિરંગો લહેરાશે. દરેક કઠિન પ્રક્રિયા અને દરેક મુશ્કેલ રસ્તાને સરળતાથી પાર કરતાં આપણા ચંદ્રયાન-3 ચંદ્રની એકદમ બિલકુલ ચક્કર લગાવી રહ્યું છે. 

ચંદ્રના દક્ષિણી ધ્રુવ પર થશે સોફ્ટ લેન્ડીંગ
જાણી લો ચંદ્રયાન-3 નું લેંડર હવે ચંદ્રના દક્ષિણી ધ્રુવ પર સોફ્ટ લેડિંગથી ફક્ત 4 દિવસ દુર છે. શુક્રવારે આ મિશનની સફળતામાં વધુ એક સફળતા મળી છે. જ્યારે વિક્રમ લેંડરની ડીબૂસ્ટિંગ પ્રક્રિયા સફળ રહી એટલે કે શુક્રવારે સ્પેસક્રાફ્ટની ગતિને ઓછી કરવામાં આવી. એટલું જ નહી વિક્રમ લેંડરને હજુ પણ ઘણા પડકારોનો સામનો કરવાનો છે. 

આ રીતે લેન્ડ કરશે ચંદ્રયાન-3
તમને જણાવી દઈએ કે 20 ઓગસ્ટે લેન્ડર ફરીથી ડીબૂસ્ટિંગ થશે. ત્યારબાદ ચંદ્રથી વિક્રમ લેન્ડરનું લઘુત્તમ અંતર માત્ર 30 કિલોમીટર રહેશે. ત્યારબાદ 23 ઓગસ્ટે તે ચંદ્રની સપાટી પર ઉતરશે. પરંતુ આ પહેલા લેન્ડરની સ્પીડ 2 કિલોમીટર પ્રતિ સેકન્ડથી ઘટીને એકદમ શૂન્ય થઈ જશે, જે એક જટિલ અને મહત્વપૂર્ણ પ્રક્રિયા હશે.

સૂર્ય પણ કરશે મદદ
20 ઓગસ્ટ પછી, લેન્ડર તે તબક્કામાં હશે જ્યાં તે તેની ઇંટેલિજેંસથી નક્કી કરશે કે શું કરવું. એવામાં જો કોઈ આ મિશનને સૌથી વધુ મદદ કરશે તો તે છે સૂર્યદેવ એટલે કે 23 ઓગસ્ટે સાંજે 5.30 વાગ્યાની આસપાસ સૂર્યોદય સાથે વિક્રમ લેન્ડર તેના મિશનને આગળ વધારવા માટે સૂર્યના પ્રકાશ અને શક્તિનો ઉપયોગ કરશે.

ચંદ્રયાન-3 એ મોકલી છે ચંદ્રની તસવીરો 
આ મિશનમાં પ્રજ્ઞાન રોવર આગામી 14 દિવસ સુધી તેની જવાબદારીઓ નિભાવશે. બંને રોવર પાવર જનરેટ કરવા માટે સોલાર પેનલનો ઉપયોગ કરશે. અત્યારે ચંદ્ર પર રાત છે અને 23મીએ સૂર્યોદય થશે. હવે અમે તમને લેન્ડર વિક્રમ દ્વારા લેવામાં આવેલ ચંદ્રની તસવીરો બતાવીએ, જે ઈસરોએ તેના ટ્વિટર પર શેર કરી છે. ચંદ્રની લેટેસ્ટ તસવીરો એકદમ સ્પષ્ટ છે, જેને જોઈને લાગે છે કે વિક્રમ લેન્ડર ચંદ્રની ખૂબ નજીક છે.