Chandrayaan-3 New Video: ચંદ્રમાની એકદમ નજીક પહોંચ્યું ચંદ્રયાન, ઈસરોએ શેર કર્યો નવો Video

આપણા ચંદ્રયાન 3એ ચંદ્રમાની કેટલીક નવી તસવીરો મોકલી છે. ઈસરોએ આજે એક વીડિયો ટ્વીટ કર્યો છે. કહ્યું કે મિશન એકદમ નિર્ધારિત સમય પર છે. તમામ સિસ્ટમની સારી રીતે તપાસ થઈ રહી છે. લેન્ડર વિક્રમ પોતાના લક્ષ્યાંક તરફ ઝડપથી આગળ વધી રહ્યું છે. ઈસરોએ ટ્વીટ કરીને કહ્યું કે બેંગ્લુરુમાં મિશન ઓપરેશન કોમ્પલેક્સ (MOX) માં જોશ ભરેલો છે અને અહીં જબરદસ્ત ઉત્સાહનો માહોલ છે. 

આ વીડિયોમાં ચંદ્રની સપાટી અંગે ઈસરોએ જાણકારી આપી છે. ભારતીય અંતરીક્ષ એજન્સીએ કહ્યું કે લેન્ડર વિક્રમનું ચંદ્રની સપાટી પર લેન્ડિંગનું લાઈવ ટેલિકાસ્ટ આવતી કાલે સાંજે 5.20 વાગ્યાથી કરવામાં આવશે. 

ઈસરોએ જણાવ્યું કે લેન્ડર પોઝિશન ડિટેક્શન કેમેરા (LPDC) દ્વારા ચંદ્રની અનેક તસવીરો લેવામાં આવી છે. ઈસરોએ જણાવ્યું કે 19 ઓગસ્ટના રોજ લેવાયેલી આ તસવીરો ચંદ્રની સપાટીથી 70 કિલોમીટર ઉપરથી લેવાઈ હતી. એજન્સીએ જણાવ્યું કે LPDC લેન્ડર મોડ્યૂલને ઊંચાઈનો અંદાજો બતાવતું રહે છે. જેથી કરીને લેન્ડ કરતા પહેલા વિક્રમ આ ડેટાને પોતાના મેપથી મિલાન કરી શકે.