ભારતને S-400 ડિફેન્સ સિસ્ટમ ખરીદવા પર ગભરાયા પાડોશી, ચીન અને પાકે કરી આ ડીલ

નવી દિલ્હી: ભારત અને રૂસમાં થયેલા કરારના અંતર્ગત ભારતને એસ-400 ડિફેન્સ સિસ્ટમ ખરીદવા પર ચીન તેમજ પાકિસ્તાન બન્ને પાડોશી દેશો ગભરાઇ ગયા છે. એવામાં પાકિસ્તાને ચીન પાસેથી ઉચ્ચ શ્રેણીના 48 ડ્રોન ખરીદવાની યોજના બનાવી છે. ચીને આ ડીલની સત્તાવાર જાહેરાત કરી છે. મીડિયા રિપોર્ટ અનુસાર ચીનની તરફથી પાકિસ્તાનને 48 ઉચ્ચ ગુણવત્તાવાળા આધુનિક ડ્રોન વેચવામાં આવશે. આ ડ્રોન કોઇપણ ઋતુમાં ઉડાવી શકાય છે. જોકે આ સોદો કેટલાનો થશે તેના વિશે હજુ સુધી કોઇ જાણકારી આપવામાં આવી નથી. ઉલ્લેખનીય થે કે અમેરિકાના એમક્યૂ 1 પ્રિડિએટર ડ્રોન ભારત ખરીદવા માંગે છે. આ વિશે પર બન્ને દેશો વચ્ચે વાત ચાલી રહી છે.

ચીન અને પાકિસ્તાન પહેલાથી મળીને બનાવી રહ્યા છે એરક્રાફ્ટ
ચીનની તરફથી પાકિસ્તાનને વેચવામાં આવતું ડ્રોનનું નામ વિંગ લુંગ 2 છે. આ ઉચ્ચ શ્રેણીના તપાસ કરનાર ડ્રોન છે. આ ડ્રોનથી જરૂર પડવા પર હુમલો પણ કરી શકાય છે. આ ડ્રોનને ચીનની કંપની ચૈંગદૂ એરક્રાફ્ટ ઇન્ડસ્ટ્રિયલ કંપનીએ બનાવ્યું છે. ત્યારે ચીનના સમાચાર પત્ર ગ્લોબલ ટાઇમ્સનું માનીએ તો આવતા થોડા સમયમાં ચીન અને પાકિસ્તાન મળીને આ ડ્રાનનું ઉત્પાદન પણ કરી શકે છે. ઉલ્લેખનીય છે કે આજના સમયમાં પાકિસ્તાનની સેનાને સૌથી વધુ હથિયાર સપ્લાય ચીન જ કરે છે. બન્ને દેશ મળીને પહેલાથી જ જેફ થંડર નામનું સિંગલ એન્જિન મલ્ટી રોલ કોમ્બેટ એરક્રાફ્ટ બનાવી રહ્યાં છે.

ચીનના ડ્રોન સોદાની સૌથી મોટી ડીલ છે આ
ચીનના ડ્રાન સપ્લાઇની આ સૌથી મોટી ડીલ છે. ઉલ્લેખનીય છે કે ચીને માત્ર 10 મહિલાના પહેલા જ આ ડ્રોનનું પ્રથમ ઉડાન પરિક્ષણ કર્યું હતું. ત્યારબાદ આ ડ્રોનથી ઘણી જગ્યાઓ પર ફાયરિંગ ટેસ્ટ પરણ કરવામાં આવ્યો છે. ચીનની સુરક્ષા મામલાના જાણકાર શાંગ જાંગપિંગના જણાવ્યા અનુસાર અમેરિકાના એમક્યૂ-1 પ્રિડિએટર ડ્રોન ટેકનિકલ રીતે ચીનના ડ્રોનથી ઘણું એડવાન્સ છે. પરંતુ અમેરિકા આ ડ્રોનને ઘણી ઓછા પ્રમાણમાં બીજા દેશોને આપે છે. એવામાં ચીનમાં બનેલા ડ્રોન સસ્તા અને ઉપયોગી હોવાના કારણે આવનારા સમયમાં ઘણા દેશ તે ખરીવા માંગશે.