`રાહુલ ગાંધીને છોકરીઓની કંઈ કમી છે તો એ 50 વર્ષની બૂઢીને ફ્લાઈંગ કિસ આપે`, કોંગ્રેસ નેતાનું વિવાદીત નિવેદન

કેન્દ્રીય મહિલા અને બાળ વિકાસ મંત્રી સ્મૃતિ ઈરાનીએ કોંગ્રેસ નેતા રાહુલ ગાંધી પર ગૃહમાં 'ફ્લાઈંગ કિસ'નો ઈશારો કરીને મહિલા સાંસદો સામે અભદ્ર વર્તન કરવાનો આરોપ લગાવ્યો છે. સ્મૃતિ ઈરાનીના આ આરોપ બાદ નવો વિવાદ છેડાઈ ગયો છે. બીજી તરફ રાહુલ ગાંધીના ફ્લાઈંગ કિસ વિવાદ પર કોંગ્રેસના ધારાસભ્યો તેમના બચાવમાં આવ્યા છે.

આ દરમિયાન બિહારના કોંગ્રેસ ધારાસભ્ય નીતુ સિંહે આ વિવાદ પર શરમજનક નિવેદન આપીને નવો વિવાદ સર્જ્યો છે. નીતુ સિંહે કહ્યું કે રાહુલ ગાંધીને ફ્લાઈંગ કિસ આપવા માટે છોકરીઓની કોઈ કમી નથી, જો તેમણે કોઈને ફ્લાઈંગ કિસ આપવી હોય તો તે સ્મૃતિ ઈરાની જેવી 50 વર્ષની બૂઢીને કેમ આપે?

નીતુ સિંહે મીડિયા સામે વાત કરી
નવાદા જિલ્લાની હિસુઆ સીટના કોંગ્રેસના ધારાસભ્ય નીતુ સિંહે કહ્યું કે "અમારા રાહુલ જીને છોકરીઓની કોઈ કમી નથી." જો તેને ફ્લાઈંગ કિસ આપવી હશે તો તે છોકરીને આપશે, 50 વર્ષની મહિલાને ફ્લાઈંગ કિસ શું આપશે, આ તમામ આરોપો પાયાવિહોણા છે. કોંગ્રેસના મહિલા ધારાસભ્યના આ નિવેદન પર બીજેપીએ પણ નીતુ સિંહને આડે હાથ લેતા કહ્યું કે એક મહિલા આવું નિવેદન આપી રહી છે જે શરમજનક છે.

 જણાવી દઈએ કે બુધવારે જ્યારે રાહુલ ગાંધી ચર્ચામાં ભાગ લઈને ગૃહમાંથી બહાર આવી રહ્યા હતા ત્યારે કોંગ્રેસના સાંસદે શાસક પક્ષના કેટલાક સભ્યો દ્વારા કરવામાં આવેલી ટિપ્પણી પર 'ફ્લાઈંગ કિસ'નો ઈશારો દર્શાવ્યો હતો. જોકે, રાહુલની પ્રતિક્રિયાની તે ક્ષણ કેમેરામાં કેદ થઈ નથી.