તમારા પ્રધાનમંત્રી મોદી OBC પેદા નથી થયા, તેમને ભાજપે OBC બનાવ્યા: રાહુલ ગાંધી

કોંગ્રેસના નેતા રાહુલ ગાંધીએ એકવાર ફરીથી પ્રધાનમંત્રી નરેન્દ્ર મોદી પર પ્રહાર કર્યા છે. ઓડિશામાં ભારત જોડો ન્યાય યાત્રા દરમિયાન રાહુલ ગાંધીએ કહ્યું કે પીએમ મોદી ઓબીસી જાતિમાં પેદા નહતા થયા, તેઓ તો જનરલ કાસ્ટમાં જન્મ્યા હતા. પરંતુ ભાજપ લોકોને એમ કહીને મુરખ બનાવે છે કે પીએમ ઓબીસી જાતિમાં પેદા થયા હતા. 

રાહુલ ગાંધીએ કહ્યું કે, "લોકોને બેવકૂફ બનાવવામાં આવી રહ્યા છે.  પીએમ મોદીનો જન્મ ઓબીસી વર્ગમાં થયો નહતો. તેઓ ગુજરાતની તેલી જાતિમાં પેદા થયા હતા. આ સમુદાયને ભાજપે વર્ષ 2000માં ઓબીસી ટેગ આપ્યો હતો. તેમનો જન્મ જનરલ કાસ્ટમાં થયો હતો. તેઓ ક્યારેય જાતિ આધારિત વસ્તી ગણતરી થવા દેશે નહીં કારણ કે તેમનો જન્મ ઓબીસીમાં થયો નથી. તેમનો જન્મ સામાન્ય જાતિમાં થયો છે. તેઓ દુનિયાને ખોટું બોલી રહ્યા છે કે તેઓ ઓબીસીમાં પેદા થયા હતા."