કોંગ્રેસે કર્યા 20 ઉમેદવારના નામ જાહેર, ચંડીગઢથી પવન બંસલને મળી ટિકિટ

નવી દિલ્હી: કોંગ્રેસે લોકસભા ચૂંટણી 2019ને લઇ મંગળવાર મોડી રાત્રે 20 ઉમેદવારના નામની યાદી જાહેર કરી હતી. તેમાં સૌથી મુખ્ય નામ પૂર્વ મુખ્યમંત્રી પવન બંસલનું છે. કોંગ્રેસે ફરીથી એકવાર તેમને ચંડીગઢથી મેદાનમાં ઉતાર્યા છે. ગત વર્ષે તેઓ ભાજપ ઉમેદવાર કિરણ ખેર સામે હારી ગયા હતા. આ બેઠક પર નવજોત સિંહ સિદ્ધુની પત્નીની પણ નજર હતી. તેમણે પણ આ બેઠક માટે દાવેદારી નોંધાવી હતી, પરંતુ આ બેઠક બંસલને હાથ લાગી છે.

આ સાથે જ કોંગ્રેસે ગુજરાતની 4 બેઠકના ઉમેદવારોના નામની જાહેરાત કરી દીધી છે. જેમાં ગુજરાતની જામનગર બેઠક પરથી કોંગ્રેસે મુનુભાઇ કંડોરીયાને પોતાના ઉમેદવાર બનાવ્યા છે. મુનુભાઇના નામની જાહેરાત થતા જ તે સ્પષ્ટ થઇ ગયું કે, આ બેઠક પરથી હાર્દિક પટેલ હવે ચૂંટણી નહીં લડી શકે. કોંગ્રેસે ઝારખંડ 4 અને કર્ણાટકના 2 ઉમેદવારના નામની જાહેરાત કરી દીધી છે. ઓરિસ્સા, દાદરા નગર હવેલીથી 1-1 ઉમેદવારોના નામની જાહેરાત કરી દીધી છે.