કોરોનાનો કહેરઃ સરકારનો નિર્ણય, વિદેશથી આવતા યાત્રીકો પાસે માગવામાં આવશે આ ખાસ જાણકારી

નવી દિલ્હીઃ કોરોના વાયરસ (Corona Virus)ને લઈને બુધવારે દિલ્હીમાં વડાપ્રધાન નરેન્દ્ર મોદીના પ્રિન્સિપલ સેક્રેટરી પીકે મિશ્રાની અધ્યક્ષતામાં ઇન્ટર મિનિસ્ટીરિયલ ગ્રુપની મહત્વની બેઠક યોજાઇ હતી. આ બેઠકમાં કોરોના વાયરસનો સામનો કરવા માટે કેટલાક નિર્ણય લેવામાં આવ્યા છે. બેઠકમાં લેવાયેલા નિર્ણય પ્રમાણે વિદેશથી આપતા દરેક વ્યક્તિની સ્ક્રીનિંગ, વિદેશથી આવનાર વ્યક્તિએ આપવી પડશે સંપૂર્ણ જાણકારી. આ સિવાય આઈસોલેશન સેન્ટર, જીઆઈએસ હોટ સ્પોટ, ફોર્મ ડિક્લેરેશન વગેરેને લઈને મહત્વના નિર્ણયો લેવામાં આવ્યા છે. 

બેઠકમાં લેવાયેલા મહત્વના નિર્ણયો
- વિદેશથી આવતા તમામ વ્યક્તિઓનું યૂનિવર્સલ સ્ક્રીનિંગ થશે. થર્મલ સેન્સિંગ સાધનોથી સ્ક્રીનિંગ થશે. 

- તમામ વ્યક્તિઓએ એક ફોર્મમાં ડિક્લેરેશન ભરીને આપવું પડશે કે ક્યાં-ક્યાં દેશ થઈને આવ્યા છે. 

- તમામ એરપોર્ટ અને સમુદ્રી પોર્ટ પર પણ આ લાગૂ થશે અને સાથે બોર્ડરની પાસે આવેલી ઇન્ટીગ્રેટેડ ચેક પોસ્ટ પર પણ આ પ્રોટોકોલનું ધ્યાન રાખવામાં આવશે. 

- કોરોના પર GIS હોટ સ્પોટ હનાવીને ધ્યાન રાખવામાં આવશે. 

- જિલ્લા લેવલ સુધી આઇસોલેશન સેન્ટર ખોલવામાં આવશે. જિલ્લા ઓથોરિટીની સહાયતા લાવવામાં આવશે. 

- લોકલ બોજીને સેન્સિટાઇઝ કરવામાં આવી છે, તેનો સામનો કરવાની રીત લાગૂ કરવા માટે અને ક્વૈરેન્ટાઇન માટે. 

- ખાનગી ભાગીદારી એટલે કે ખાનગી હોસ્પિટલ અને સંબંધિત લાભાર્થીઓની સહાયતા લેવામાં આવશે. 

- સરકારના તમામ જાહેર કાર્યક્રમ હેલ્થ મિનિસ્ટ્રીની સલાહ વગર યોજાશે નહીં.

- જનતામાં કોરોના વાયરસથી બચવા શું કરવું અને શું ન કરવું (Does&Donts) તેનો પ્રચાર કરવામાં આવશે. 

- ગૃહ મંત્રાલય તમામ રાજ્ય સરકારોની સાથે કોર્ડિનેશનનું કામ કરશે. 

- સરકાર તરફથી દરરોજ માહિતી આપવામાં આવશે અને તે જણાવવામાં આવશે કે અત્યાર સુધી શું સ્થિતિ છે, શું કામ થયું, જેથી લોકોને રિયલ ટાઇમ ડેટાનો ખ્યાલ આવે. 

જુઓ LIVE TV