શાબાશ...બેંગ્લુરુના આ ડોક્ટરે શોધી નાખ્યો જીવલેણ કોરોના વાયરસને નાથવાનો ઉપાય

બેંગ્લુરુ: દુનિયાભરમાં તબાહી મચાવનારા કોરોના વાયરસે ભારતમાં પણ તાંડવ મચાવ્યું છે. ભારતમાં છેલ્લા 24 કલાક દરમિયાન સંક્રમણના 114 નવા કેસ સામે આવ્યાં છે. અત્યાર સુધી 17 જેટલા લોકોના મોત થઈ ચૂક્યા છે. જ્યારે 808 પોઝિટિવ કેસ છે. સમગ્ર વિશ્વના વૈજ્ઞાનિકો કોરોના વાયરસ માટે રસી શોધવામાં લાગ્યા છે ત્યારે આ બધા વચ્ચે બેંગ્લુરુના એક ડોક્ટરે એવો દાવો કર્યો છે કે તેમણે કોરોનાનો પ્રભાવી ઉપચાર શોધી કાઢ્યો છે. 

સમાચાર એજન્સી એએનઆઈના રિપોર્ટ મુજબ બેંગ્લુરુના ઓન્કોલોજિસ્ટ વિશાલ રાવે દાવો કર્યો છે કે તેમણે કોરોના વાયરસ માટે ઉપચાર શોધી કાઢ્યો છે. તેમણે દાવો કર્યો છે કે આ ઉપચાર આ સપ્તાહના અંત સુધીમાં પરીક્ષણ માટે તૈયાર થઈ જશે.