India Corona Cases Update: ખુબ જ રાહતના સમાચાર!, એક જ દિવસમાં કોરોનાના નવા કેસમાં ધરખમ ઘટાડો

નવી દિલ્હી: કોરોના વાયરસના સંકટ વચ્ચે આજે અનેક દિવસો બાદ મોટી રાહત મળી છે. ગઈ કાલ કરતા આજે 50 હજાર જેટલા ઓછા કેસ નોંધાયા છે. છેલ્લા 24 કલાકમાં કોરોનાના નવા 2.55 લાખ નવા કેસ નોંધાયા છે. જ્યારે 614 લોકોના કોરોનાથી જીવ ગયા છે. 

નવા કેસમાં નોંધપાત્ર ઘટાડો
કેન્દ્રીય આરોગ્ય મંત્રાલયે આજે જાહેર કરેલા આંકડા મુજબ છેલ્લા 24 કલાકમાં કોરોનાના નવા 2,55,874 કેસ નોંધાયા છે. જે ગઈ કાલે નોંધાયા હતા તેના કરતા 50,190 ઓછા છે. હાલ દેશમાં 22,36,842 દર્દીઓ સારવાર હેઠળ છે. એક દિવસમાં 2,67,753 લોકો કોરોનાને માત આપીને રિકવર થયા છે. કોરોનાનો ડેઈલી પોઝિટિવિટી રેટ 15.52% થયો છે.