દેશમાં કોરોના વાયરસના કેસની ગતી વધુ, ડબલિંગ રેટે વધારી ચિંતા; સરકારે બદલી રણનીતિ

નવી દિલ્હી: દેશમાં કોરોના વાયરસના સંક્રમણના વધતા જતા કેસો વચ્ચે સરકારનું ધ્યાન હવે આ રોગચાળાને કારણે થતા મૃત્યુઆંકને ઘટાડવા પર છે. દેશમાં કોરોના સંક્રમણના એક દિવસમાં ત્રણ હજારથી વધુ કેસ આવી રહ્યા છે. સૂત્રોના જણાવ્યા અનુસાર સરકારનું માનવું છે કે આ આંકડા ઘટાડવામાં થોડી મુશ્કેલી છે પરંતુ સંક્રમણને કારણે થતા મૃત્યુ ઘટાડવા માટે સરકાર સંપૂર્ણ ધ્યાન આપી રહી છે. આ માટે જરૂરી પગલા લેવામાં આવી રહ્યા છે.

આ પણ વાંચો:- jihadVsZee: જમ્મુ કાશ્મીરના જેહાદ રિપોર્ટ પર માત્ર કેરળને દુ:ખ કેમ અને જેહાદનું નામ લેવું ગુનો કેમ?

ડબલિંગ રેટમાં ફરી ચિંતા ઉભી થઈ છે. દેશમાં કોરોના સંક્રમણના કેસોમાં ડબલિંગનો રેટ ઘટવાનું શરૂ થયું છે. એટલે કે, કેસો ઝડપથી વધી ગયા છે. ડબલિંગનો રેટ 12 થી ઘટીને 10.2 થયો છે. મુંબઈમાં ડબલિંગનો રેટ 9.8 દિવસનો છે. એટલે કે, મુંબઈમાં કેસ 9.8 દિવસમાં બમણા થઈ રહ્યા છે. આરોગ્ય મંત્રાલયના જોઇન્ટ સેક્રેટરી લવ અગ્રવાલે શુક્રવારે કહ્યું કે હવે આપણે વાયરસ સાથે રહેવાનું શીખવું પડશે.

આ પણ વાંચો:- CBSEના ધો-10 અને 12ની બાકી પરીક્ષાઓ 1-15 જુલાઈની વચ્ચે યોજાશે: માનવ સંસાધન મંત્રાલય

કોરોના કેસની સંખ્યા 56 હજારને પાર
દેશમાં કોરોના વાયરસના સંક્રમણના કેસોની સંખ્યા 56 હજારને વટાવી ગઈ છે. છેલ્લા 24 કલાકમાં, 3390 નવા દર્દીઓ દેખાયા છે અને 103 લોકોનાં મોત પણ થયા છે. 24 કલાકમાં સારવાર બાદ, 1273 લોકો પણ સ્વસ્થ થયા છે. રાહતની વાત એ છે કે દેશમાં 216 જિલ્લાઓમાં કોરોનાના કોઈ કેસ નથી. રિકવરી રેટ વધીને 29.36 ટકા થયો છે.

આ પણ વાંચો:- ભારતીય સેનાની મોટી કાર્યવાહી! 3-4 પાકિસ્તાની સૈનિકોના મોત, 4 ચોકીઓને કરી નષ્ટ

દરરોજ 2800 થી વધુ સંક્રમિત દર્દીઓ
દેશમાં કોરોનાના વધતા જતા કેસોનો અંદાજ આ વાત પરથી લગાવી શકાય છે કે માત્ર 4 દિવસમાં 10 હજાર નવા દર્દીઓ સામે આવ્યા છે. છેલ્લા 4 દિવસથી, દરરોજ 125 જેટલા લોકો મૃત્યુ પામ્યા છે. 5 મેના રોજ દેશમાં કોરોનાના 3875 નવા કેસ નોંધાયા હતા. 6 મે ના રોજ 2680 કોરોનાથી સંક્રમિત હોસ્પિટલોમાં પહોંચ્યા. 7 મેના રોજ 3561 લોકોમાં કોરોના સંક્રમણની પુષ્ટિ કરવામાં આવી હતી.