Singhu Border પર બબાલ, રસ્તો ખાલી કરાવવા માટે 40 ગામોની મહાપંચાયત શરૂ

નવી દિલ્હી: નવા કૃષિ કાયદા (Farm Laws) સામે છેલ્લા લગભગ 2 મહિનાથી હજારોની સંખ્યામાં ખેડૂતો સિંધુ બોર્ડર (Singhu Border) પર પ્રદર્શન કરી રહ્યા છે. પરંતુ પ્રજાસત્તાક દિવસ પર ખેડૂતોની ટ્રેક્ટર પરેડ દરમિયાન હિંસા (Tractor Parade Violence) થઈ હતી જે બાદ આજે દિલ્હી-હરિયાણા બોર્ડર પર સ્થિતિ તણાવપૂર્ણ થઈ ગઇ છે.

રસ્તો ખાલ્લી કરાવવા માટે થઈ બબાલ
અંહી પોતાને સ્થાનિક નાગરિક ગણાવતા ગ્રામિણોનું એક મોટું જૂથ પ્રદર્શનકારી ખેડૂતો પાસે જગ્યા ખાલી કરાવવાની માંગને લઇ ટકરાયું હતું. પ્રત્યક્ષદર્શીએ ટોળાને પથ્થર, લાકડીઓ, તલવાર સાથે જોયા હતા. ત્યારબાદ સ્થિતિ પર નિયંત્રણ લાવવા માટે પોલીસે લાઠી ચાર્જ કરવાની સાથે ટિયર ગેસના સેલ છોડ્યા હતા. આ બબાલ વચ્ચે એક વ્યક્તિએ દિલ્હી પોલીસના અલીપુર સ્ટેશનના પ્રભારી (SHO) પ્રદીપ પાલીવાલ પર તલવારથી હુમલો કર્યો, ત્યારબાદ તેઓ ઘાયલ થયા હતા.

આ પણ વાંચો:- Tractor Parade Violence: દિલ્હી પોલીસે લોકોને કરી અપીલ, ટ્રેક્ટર પરેડ હિંસા સંબધિત જાણકારી માંગી