કોરોના સંકટ વચ્ચે આ રાજ્યમાં ચક્રવાતી તોફાન `અમ્ફાન`નો ભય, 12 જિલ્લાઓમાં ચેતવણી

ભુવનેશ્વર: ઓડિશા સરકારે શુક્રવારે દરિયાકાંઠાના વિસ્તારના 12 જિલ્લા કલેક્ટરોને તૈયાર રહેવા કહ્યું, કેમ કે ચક્રવાતી તોફાન 'અમ્ફાન' બંગાળની ખાડી પર આગળ વધી રહ્યું છે.

મુખ્ય સચિવ અસિત ત્રિપાઠીએ શુક્રવારે સમીક્ષા બેઠક યોજી હતી કે જેથી ચક્રવાતને કારણે સર્જાયેલી કોઈ પણ અનિચ્છનીય પરિસ્થિતિને પહોંચી વળવા તમામ સાવચેતી પગલા લેવામાં આવ્યા છે.

તમામ જિલ્લા કલેક્ટરો, ખાસ કરીને ઉત્તર ઓડિશાના જિલ્લા કલેક્ટરોને પરિસ્થિતિ ઉપર નજર રાખવા જણાવ્યું છે.

આ પણ વાંચો:- લિપુલેખ વિવાદ પર આર્મી ચીફનું મોટું નિવેદન, કહ્યું - નેપાળે કોઈ બીજાના કહેવા પર ઉઠાવ્યો વાંધો

ત્રિપાઠીએ જગતસિંહપુર, કેન્દ્રપદા, બાલાસોર અને ભદ્રક જિલ્લાના કલેક્ટર્સ સાથે વીડિયો કોન્ફરન્સિંગ દ્વારા સંભવિત તોફાન માટે લેવામાં આવતા પગલાઓ અંગે વિસ્તૃત ચર્ચા કરી હતી.

વિશેષ રાહત કમિશનર (એસઆરસી) પ્રદીપ જેનાએ જણાવ્યું હતું કે, આઇએમડી અનુસાર, બંગાળની ખાડીના દક્ષિણપૂર્વ ભાગ પરનું ઓછું દબાણ એક ડિપ્રેશનમાં પરિણમી શકે છે અને ત્યારબાદ બંગાળની ખાડીના દક્ષિણ ભાગ અને તેની બાજુમાં આવેલા મધ્ય ભાગની ઉપર 16 મેની સાંજ સુધીમાં એક ચક્રવાતી તોફાનમાં ફેરવાઈ શકે છે.

આ પણ વાંચો:- રાફેલ ફાઇટર પ્લેન માટે ભારતે જોવી પડશે રાહ, ફ્રાન્સે આપ્યું આ કારણ

એસઆરસીએ જણાવ્યું હતું કે, "આ તોફાન ઉત્તર ઓડિશાથી અથડાશે અથવા પશ્ચિમ બંગાળ કે બાંગ્લાદેશ તરફ આગળ વધશે. પરિસ્થિતિ હજી સ્પષ્ટ નથી. પણ સરકાર સંભવિત ચક્રવાતનો સામનો કરવા તૈયાર છે. સાવચેતી રૂપે અમારી પાસે 12 જિલ્લા કલેકટર છે. હાઈએલર્ટ પર મુકવામાં આવ્યા છે. "