રવિવારે લદ્દાખની મુલાકાતે રક્ષા મંત્રી રાજનાથ સિંહ, LAC પર તૈયારીઓની કરશે ચકાસણી

નવી દિલ્હી: રક્ષા મંત્રી રાજનાથ સિંહ (Defense Minister Rajnath Singh) રવિવારે લદ્દાખ (Ladakh) અને એલએસીની મુલાકાત લેશે. તેમની યાત્રા બે દિવસની રહેશે. જેમાં તે એલએસી (LAC) પર સેનાની ઓપરેશનલ તૈયારીઓની ચકાસણી કરશે. તેઓ એલએસી નજીક કેટલાક રસ્તાઓનું ઉદ્ઘાટન પણ કરશે.

રક્ષા મંત્રી સાથે આર્મી ચીફ પણ હાજર
રક્ષા મંત્રી રાજનાથ સિંહ (Rajnath Singh) સાથે આર્મી ચીફ જાન એમએમ નરવણે પણ હાજર રહેશે. તેઓ ફોરવર્ડ લાઈનમાં (Forward Post) પણ જશે અને સેનાની તૈયારીઓની સમીક્ષા કરશે. આ ઉપરાંત તેઓ બોર્ડર રોડ ઓર્ગેનાઇઝેશનના પ્રોજેક્ટ્સની પણ દેખરેખ રાખશે. તમને જણાવી દઈએ કે આશરે એક અઠવાડિયા પહેલા રક્ષા મંત્રી અરુણાચલ પ્રદેશ ગયા હતા જ્યાં તેમણે રાષ્ટ્ર માટે 12 રસ્તા સમર્પિત કર્યા હતા. આ દરમિયાન તેમણે કહ્યું હતું કે વ્યૂહાત્મક રસ્તાઓ ફક્ત કનેક્ટિવિટીને વેગ આપશે નહીં, પરંતુ આંતરરાષ્ટ્રીય સરહદોની નજીક સુરક્ષા દળોને ઝડપી ગતિશીલ બનાવશે.

આ પણ વાંચો:- ડેલ્ટા પ્લસ વેરિઅનટ અંગે કેન્દ્રએ કર્યા એલર્ટ, 8 રાજ્યોને પત્ર લખી આપ્યા આદેશ

એલએસી પર સૈનિકોનો વિશાળ જમાવડો
ગયા વર્ષથી લદ્દાખમાં એલએસી પર ભારત અને ચીન વચ્ચે તણાવ ચાલી રહ્યો છે. પેંગોંગ તળાવની ઉત્તરીય અને દક્ષિણ કાંઠે બંને દેશોની સૈન્ય પીછેહઠ કરી છે, પરંતુ હજી પણ બંને બાજુથી એલએસી પર 50-60 હજાર સૈનિકો ગોઠવવામાં આવ્યા છે. ભારતે એલએસી નજીકના વિસ્તારોમાં માળખાગત સુવિધા સુધારવા માટે ઝડપથી કામ કર્યું છે.

આ પણ વાંચો:- Corona: ડેલ્ટા પ્લસ વેરિએન્ટથી ઉડી આ રાજ્યની ઉંઘ, કેટલાક નવા પ્રતિબંધોની જાહેરાત

એલએસી પર સરકાર ઝડપી બનાવી રહી છે રસ્તા
સરકારે ત્રણ મહિના પહેલા સંસદને આપેલી માહિતી પ્રમાણે કુલ 14,071 કિલોમીટર રસ્તાઓ પર કામ ચાલી રહ્યું છે. આમાંના મોટા ભાગના અરુણાચલ પ્રદેશમાં છે. ઉત્તરાખંડમાં 24, હિમાચલ પ્રદેશમાં સાત અને સિક્કિમમાં 21 રસ્તા બનાવવામાં આવી રહ્યા છે.