દિલ્હીથી ગુજરાત માત્ર 10 કલાકમાં, આ એક્સપ્રેસ-વે શરૂ થયા બાદ ગુજરાતીઓને થશે મોટો ફાયદો

નવી દિલ્હીઃ દિલ્હી-મુંબઈ એક્સપ્રેસ વે ગુજરાતની મુસાફરીને વધુ સરળ બનાવશે. અહેવાલો અનુસાર, દિલ્હી-વડોદરા સેક્શનને આ વર્ષે ડિસેમ્બરથી હાઇ-સ્પીડ મુસાફરી માટે ખોલવામાં આવશે. હાલમાં, શહેરમાં પહોંચવામાં 18 કલાકનો સમય લાગે છે. એક્સપ્રેસ વેના નિર્માણ બાદ અહીં માત્ર 10 કલાકમાં પહોંચી શકાશે. મુંબઈ કે દિલ્હીથી ગુજરાત જતા લોકો માટે આ ચોક્કસપણે સારા સમાચાર છે. નોંધનીય છે કે આ વિભાગ હાલના રૂટની તુલનામાં રોડ દ્વારા ગોવાની મુસાફરીને પણ સરળ બનાવશે.

દિલ્હી-મુંબઈ એક્સપ્રેસવેને જલદી દિલ્હીથી સીધી કનેક્ટિવિટી મળવાની છે. એક એવા લિંક એક્સપ્રેસવેનું નિર્માણ કરવામાં આવી રહ્યું છે જે દિલ્હી, ગાઝિયાબાદ, નોઇડા અને ફરીબાબાદને ડીએનડી ફ્લાઇઓવર અને દિલ્હી-મુંબઈ એક્સપ્રેસવેથી જોડશે. તેના તૈયાર થયા બાદ દૌસા અને જયપુરથી આવનાર-જનારને ગુડગાંવના રસ્તે જવાની જરૂર પડશે નહીં. જો દાહોદ સેક્શનને છોડી દેવામાં આવે તો દિલ્હી-વડોદરા ખંડ આ વર્ષે ડિસેમ્બર સુધી બનીને તૈયાર થઈ શકે છે. 

આ પણ વાંચોઃ આ પ્રાણીના દૂધમાં આલ્કોહોલ હોય છે, પીવાથી વ્હિસ્કી કરતા પણ વધુ નશો ચઢે છે

ગોવાની સફર પણ થઈ જશે સરળ
દિલ્હી-વડોદરા વિભાગ ફરીદાબાદ, બલ્લભગઢ, સોહના, નૂહ, પલવલ, અલવર, ભરતપુર, દૌસા, સવાઈ માધોપુર, ટોંક, બુંદી, કોટા, મંદસૌર, રતલામ, ઝાબુઆ, દાહોદ, લીમખેડા, પંચ મહેલ અને વડોદરામાંથી પસાર થવાનો છે. આ એક્સપ્રેસ વેના નિર્માણ બાદ ગોવાની યાત્રા પણ સરળ બની જશે. હાલમાં દિલ્હીથી ગોવાની મુસાફરીમાં 34 કલાકનો સમય લાગે છે. જો કે, આ એક્સપ્રેસ વેના નિર્માણ સાથે, મુસાફરીનો સમય ઘટીને 19 કલાક થઈ જશે. તે જ સમયે, મુંબઈ પહોંચવામાં 12 કલાકનો સમય લાગશે. ત્યાંથી ગ્રીનફિલ્ડ મુંબઈ-ગોવા એક્સપ્રેસ વે પર 7 કલાકમાં પહોંચી શકાય છે. આનો અર્થ એ થયો કે કુલ મુસાફરીનો સમય ઘટીને 19 કલાક થઈ જશે.

આ પણ વાંચોઃ હવે તો હદ થઈ! વિધવા પુત્રવધૂને પ્રોપર્ટી ન આપવી પડે એટલે 58 વર્ષની સાસુએ દીકરો જણ્યો

દ્વારકા એક્સપ્રેસવે 3-4 મહિનામાં થઈ જશે પૂરો
બીજી તરફ કેન્દ્રીય માર્ગ પરિવહન મંત્રી નીતિન ગડકરીએ જણાવ્યું કે દ્વારકા એક્સપ્રેસનું કામ આગામી ત્રણથી ચાર મહિનામાં પૂર્ણ થઈ જશે. દેશનો આ પહેલો 'એલિવેટેડ અર્બન એક્સપ્રેસવે' દિલ્હી-ગુરુગ્રામ વચ્ચે ટ્રાફિકનું દબાણ ઘટાડશે. ગડકરીએ કહ્યું કે એક્સપ્રેસ વે પરનું કામ ચાર 'પેકેજ'માં પૂર્ણ થશે. દ્વારકા એક્સપ્રેસ વે પર ટોલ કલેક્શન સંપૂર્ણ સ્વચાલિત હશે અને સમગ્ર પ્રોજેક્ટ ઇન્ટેલિજન્ટ ટ્રાન્સપોર્ટેશન સિસ્ટમ (ITS)થી સજ્જ હશે. દ્વારકા એક્સપ્રેસની કુલ લંબાઈ 29 કિલોમીટર છે. તેમાંથી 18.9 કિમી હરિયાણામાં છે જ્યારે બાકીનું 10.1 કિમી દિલ્હીમાં છે. એક્સપ્રેસ વે નેશનલ હાઈવે નંબર 8 નજીક દિલ્હીના મહિપાલપુરમાં શિવ મૂર્તિ નજીકથી શરૂ થશે. ત્યારબાદ નેશનલ હાઈવે નંબર 8 પર ગુરુગ્રામ ખેરકી-દૌલા ગામ પાસે બનેલા ટોલ પ્લાઝા પાસે સમાપ્ત થશે.