Pune: 16 કરોડનું ઈન્જેક્શન પણ કામ ન આવ્યું, આખરે માસૂમ વેદિકાએ દુનિયાને કરી અલવિદા

 સ્પાઈનલ મસ્ક્યુલર એટ્રોફી ટાઈપ-1 (SMA Type-1) સામે ઝઝૂમી રહેલી 11 મહિનાની બાળકી વેદિકા શિંદેએ આખરે જિંદગી સામેનો જંગ હારી ગઈ. પુનાની આ બાળકીને દુર્લભ બીમારી હતી. તેને બચાવવા માટે તમામ કોશિશો કરાઈ હતી. 16 કરોડ રૂપિયાનું ઈન્જેક્શન પણ લગાવવામાં આવ્યું હતું. પરંતુ તેને બચાવી શકાઈ નહીં. 

16 કરોડનું ઈન્જેક્શન અપાયું હતું
વેદિકા જ્યારે 6 મહિનાની હતી ત્યારે તેને સ્પાઈનલ મસ્ક્યુલર એટ્રોફી (SMA Type-1) થયું હતું. તેના માતા પિતાએ તેને બચાવવા માટે તનતોડ મહેનત કરી હતી. તેની સારવાર માટે 16 કરોડ રૂપિયાના ઈન્જેક્શનની વ્યવસ્થા કરવા ક્રાઉડ ફંડિંગથી પૈસા ભેગા કર્યા.