દિગ્વિજયની ક્લબ હાઉસ ચેટ વાયરલ, ભાજપે કહ્યું- પાકિસ્તાનની ભાષા બોલી રહ્યા છે

નવી દિલ્હી: કોંગ્રેસ નેતા દિગ્વિજય સિંહ (Digvijay Singh) પર એકવાર ભાજપ (BJP) એ હુમલો કર્યો છે. ભાજપના સોશિયલ મીડિયા વિંગના પ્રભારી અમિત માલવીયએ એક ઓડિયો જાહેર કર્યો જેમાં દિગ્વિજય સિંહે કથિત રીતે કહ્યું કે જો કોંગ્રેસ સત્તામાં આવે છે તો જમ્મૂ કાશ્મીરમાં આર્ટિકલ 370 (Article 370) ફરીથી લાગૂ કરવા પર વિચાર કરવામાં આવશે. 

આ વીડિયો એક ક્લબ હાઉસ ચેટનો છે અને એવો દાવો કરવામાં આવી રહ્યો છે કે આ ચેટમાં એક પાકિસ્તાની પત્રકાર પણ હાજર હતો. 

ક્લબ હાઉસ ચેટનો વાયરલ વીડિયો
ભાજપ નેતા અમિત માલવીયએ ક્લબ હાઉસ ચેટનો એક ભાગ ટ્વિટર પર શેર કરતાં લખ્યું, 'ક્લબ હાઉસ ચેટમાં રાહુલ ગાંધીના વરિષ્ઠ સહયોગી દિગ્વિજય સિંહ એક પાકિસ્તાની પત્રકારને કહે છે કે જો કોંગ્રેસ સરકાર સત્તામાં આવે છે તો તે આર્ટિકલ 370ને નાબૂદ કરવાના નિર્ણય પર પુનર્વિચાર કરશે. ખરેખર? આ તો પાકિસ્તાન ઇચ્છે છે.'