Ganesh Chaturthi 2021: ધન-સંપત્તિ, યશ-પ્રગતિ માટે આગામી 10 દિવસ અજમાવો આ એક ઉપાય. ભાગ્ય ચમકી જશે

નવી દિલ્હી: ગણેશ ચતુર્થીના દિવસે ભગવાન શ્રી ગણેશની સ્થાપના થાય છે અને 10 દિવસ સુધી તેઓ પોતાના ભક્તો સાથે રહ્યા બાદ અનંત ચૌદશના દિવસે વિદાય લે છે. ધર્મ-પુરાણોની સાથે સાથે જ્યોતિષ શાસ્ત્ર મુજબ પણ આ 10 દિવસનું ખુબ મહત્વ છે. આ દરમિયાન જો કેટલાક ઉપાયો અજમાવવામાં આવે તો વ્યક્તિને દરેક પ્રકારના સંકટમાંથી મુક્તિ મળી શકે છે. 

ગણેશોત્સવમાં આ ઉપાય અજમાવો
સંકટોથી બચવાના ઉપાય- જો વારંવાર ઘર-વેપાર પર સંકટ આવતા હોય તો ગણેશોત્સવ દરમિયાન ઘરમાં ગણેશયંત્રની સ્થાપના કરો. જે તમને ખરાબ શક્તિઓથી બચાવશે. 

કરિયરમાં સમસ્યાઓથી બચવાના ઉપાય- જો પ્રગતિમાં વારંવાર વિધ્નો આવતા હોય તો ગણેશ ચતુર્થી કે ગણેશોત્સવના પૂરા 10 દિવસ સુધી હાથીને ચારો ખવડાવો. આ સાથે જ ગણેશ મંદિરમાં જઈને ભગવાનને તમારે મુશ્કેલીઓ દૂર કરવા માટે પ્રાર્થના કરો. થોડા દિવસોમાં ફરક જોવા મળશે. 

ધન વૃદ્ધિ માટે ઉપાય- 10 દિવસ સુધી રોજ સવારે જલદી સ્નાન કરીને ગણપતિને શુદ્ધ ઘી અને ગોળનો ભોગ ધરાવો. ત્યારબાદ આ ભોગ ગાયને ખવડાવો. તેનાથી તમારી જલદી આર્થિક સ્થિતિ સારી થશે. 

પ્રમોશન મેળવવા માટેના ઉપાય- ગણેશ ચતુર્થી પર તમારા ઘરમાં પીળા રંગની ગણેશ પ્રતિમા સ્થાપિત કરીને પૂજા કરો. પૂજામાં હળદરના 5 ગાંગડા અર્પણ કરો. આ દરમિયાન श्री गणाधिपतये नम: મંત્રનું ઉચ્ચારણ કરો. ત્યારબાદ 108 દુર્વા પર ભીની હળદર લગાવીને श्री गजवकत्रम नमो नम:  નો જાપ કરીને તેને ગણપતિને અર્પણ કરો. આવું 10 દિવસ સુધી કરવાથી પ્રમોશન મળે છે. 

પુત્રીના વિવાહ માટે ઉપાય- પુત્રીના વિવાહમાં મોડું થતું હોય તો ગણેશ ચતુર્થી પર ભગવાન પાસે પુત્રીના વિવાહ જલદી કરાવવાની પ્રાર્થના કરતા માલપુઆનો ભોગ ધરાવો. શક્ય હોય તો વ્રત પણ કરો. 

પુત્રના વિવાહ માટે ઉપાય- પુત્રના વિવાહમાં વિલંબ થતો હોય તો ગણેશ ચતુર્થી પર ગણપતિ બાપ્પાને પીળા રંગની મીઠાઈનો ભોગ ધરાવો અને જલદી વિવાહ માટે પ્રાર્થના કરો. તેનાથી પુત્રના વિવાહ જલદી થઈ શકશે. 

(ખાસ નોંધ- આ લેખમાં અપાયેલી સૂચનાઓ સામાન્ય જાણકારી અને માન્યતા પર આધારિત છે. ઝી 24 કલાક તેની કોઈ પુષ્ટિ કરતું નથી.)