Emotional Story: `મને કેન્સર છે, માતા-પિતાને ન જણાવતા`, 6 વર્ષના માસૂમની વાત સાંભળી ભાવુક થયા ડોક્ટર

નવી દિલ્હીઃ Heart touching story: હૈદરાબાદમાં એક ડોક્ટર તે સમયે ભાવુક થઈ ગયા જ્યારે એક 6 વર્ષના બાળકો તેમને કહ્યું કે ડોક્ટર મને કેન્સર છે, પ્લીઝ આ વિશે મારા માતા-પિતાને ન જણાવજો. દર્દનાક કહાનીનું બીજું લાગણીશીલ પાસું એ હતું કે આ કિસ્સામાં બાળકના માતા-પિતાએ પણ ડૉક્ટરને વિનંતી કરી હતી કે તેઓ તેમના પુત્ર સાથે રોગની ગંભીરતા વિશે ચર્ચા ન કરે.

ડોક્ટરે સોશિયલ મીડિયા પર શેર કરી ઘટના
હૈદરાબાદની એપોલો હોસ્પિટલમાં કામ કરતા ન્યુરોલોજિસ્ટ ડૉ. સુધીર ગુપ્તાએ તેમના ટ્વિટર એકાઉન્ટ દ્વારા આ આંખમાં પાણી આવી જાય તેવી વાર્તા દુનિયા સાથે શેર કરી છે. માનવીય સંવેદનાઓને સારી રીતે સમજતા ડોક્ટરે કહ્યું કે નાના બાળક પાસેથી આટલી મોટી અને ગંભીર વાત ખૂબ જ સરળતાથી સાંભળીને તેઓ આશ્ચર્યચકિત થઈ ગયા.

ડોક્ટર સુધીરે આ માસૂમ બાળકની સાથે પોતાની વાતચીતની જાણકારી આપતા જણાવ્યું કે બ્રેન કેન્સરને કારણે મનુનું ઓપરેશન થયું હતું. ઓપીડીમાં તેના માતા-પિતાના કહેવા પર તે બાળકને મળ્યા. તેમણે આગળ કહ્યું- મેં તેમના માતાપિતાની વાત માનતા માથુ હલાવ્યું. બાળક વ્હીલચેર પર હતું. તે હસી રહ્યો હતો અને આત્મવિશ્વાસથી ભરેલો હતો. ડોક્ટરે કહ્યુ કે, એક નાના બાળકે જે અંદાજમાં પોતાના માતા-પિતા પ્રત્યે પ્રેમ દેખાડ્યો તેણે મને ભાવુક કરી દીધો.